ᐊᑦᑕᓇᔾᔭᐃᕐᓯᒪᓂᕐᒧᑦ ᐃᓕᓐᓂᐊᕈᑎᑦ ᓴᓇᐅᒐᕐᑎᓄᑦ

ᐃᖅᑲᓇᐃᔭᕐᕕᖕᒥ ᐋᓐᓂᕐᑐᖃᖅᑐᒥᓂᐅᑎᒡᓗᒍ ᓇᒡᓕᐅᒃᑯᒫᓕᕆᔩᑦ ᑲᑎᒪᔨᖏᑦ ᐊᑭᖃᓐᖏᑐᒃᑯᑦ ᐃᓕᓐᓂᐊᑎᑦᑎᔪᓐᓇᕐᐳᑦ ᓴᓇᐅᒐᕐᑎᓄᑦ ᑕᐃᔭᐅᔪᒥᒃ "ᖃᐅᔨᒪᒋᐊᖃᕐᓂᖅ ᐊᑦᑕᓇᔾᔭᐃᕐᓯᒪᔭᕆᐊᖃᕐᓂᕐᒥᒃ ᓴᓇᐅᒐᕐᑎᓄᑦ ᐊᒻᒪ ᓴᓇᓐᖑᐊᕐᑎᓄᑦ."  ᒪᑯᓅᓇ ᐃᑲᔪᕐᑕᐅᔪᓐᓇᕐᐳᑦ:

  • ᐊᑐᖃᑦᑕᖅᓯᒪᔭᖏᑦ ᐃᖅᑲᓇᐃᔭᕐᕕᖕᒥ ᐋᓐᓂᕐᑐᖃᖅᑐᒥᓂᐅᑎᒡᓗᒍ ᓇᒡᓕᐅᒃᑯᒫᑦ,
  • ᐃᓱᒪᕐᓲᑕᐅᔪᖅ ᓇᒡᓕᐅᒃᑯᒫᑖᕈᒪᔪᓄᑦ ᐱᕐᓗᐊᕿᔪᖃᖅᑐᒥᓂᐅᒃᐸᑦ ᐊᑐᐃᓐᓇᐅᔪᑦ ᓴᓇᐅᒐᕐᑎᓄᑦ
  • ᐊᑦᑕᓇᔾᔭᐃᕐᓯᒪᓂᕐᒥᒃ ᐃᓱᒪᒋᔭᖃᕐᓂᖅ
  • ᓇᖕᒥᓂᖅ ᓴᐳᑎᓇᓱᐊᕆᐊᖃᕐᓂᕐᒧᑦ ᓱᓇᒃᑯᑖᑦ
  • ᓴᓇᔾᔪᑎᓂᒃ ᐊᑦᑕᓇᔾᔭᐃᖅᓯᓯᒪᓂᖅ ᐊᒻᒪ ᐊᓯᖏᑦ

 

ᓴᓇᐅᒐᕐᑏᑦ ᐊᑦᑕᓇᔾᔭᐃᕐᓯᒪᔭᕆᐊᖃᕐᓂᕐᒧᑦ ᐃᓕᓐᓂᐊᕇᖅᓯᒪᔪᑦ ᓄᓇᒥᖕᓂ ᓴᓇᐅᒐᕐᑎᐅᖃᑎᒥᓂᒃ ᐃᓕᓐᓂᐊᑎᑦᑎᔪᓐᓇᕐᓯᒐᔭᕐᐳᑦ.  ᐃᖅᑲᓇᐃᔭᕐᕕᖕᒥ ᐋᓐᓂᕐᑐᖃᖅᑐᒥᓂᐅᑎᒡᓗᒍ ᓇᒡᓕᐅᒃᑯᒫᓕᕆᔩᑦ ᑲᑎᒪᔨᖏᑦ ᑎᓕᐅᕆᒋᐊᕐᐳᑦ ᓴᓇᐅᒐᕐᑏᑦ ᓄᓇᒥᖕᓂ ᐋᖅᑭᒃᓯᖁᓪᓗᒋᑦ ᐃᓕᓐᓂᐊᑎᑦᑎᔾᔪᑎᒃᓴᓂᒃ.  ᐱᔾᔪᑎᒋᓪᓗᒋᑦ ᐊᒥᓱᑦ ᓴᓇᓐᖑᐊᒐᒃᓴᒧᑦ ᐅᔭᕋᓐᓂᐊᕐᕕᐅᕙᒃᑐᑦ ᓄᓇᕗᖕᒥ ᐊᑕᐅᓯᕐᒧᑦᓇᖕᒥᓂᕆᔭᐅᓐᖏᓐᓂᖏᓐᓄᑦ ᐅᕝᕙᓘᖕᓃᑦ ᑲᒻᐸᓂᐅᔪᒧᑦ, ᐊᒥᓱᐊᕐᑎᓂᕐᓴᐅᒡᓗᑎᒃ ᑲᒪᔨᖃᓪᓚᕆᒃᐸᖏᒻᒪᑕ ᒪᓕᒃᑎᑦᑎᔨᒃᓴᓂᒃ ᖃᓄᐃᓐᖏᓐᓇᓱᓐᓂᕐᒧᑦ ᐊᒻᒪ ᐊᑦᑕᓇᔾᔭᐃᕐᓯᒪᓂᕐᒧᑦ ᒪᓕᒐᕐᓂᒃ.  ᐃᓕᑦᓯᓐᓄᑦ ᐃᑲᔪᖅᑕᐅᔪᒪᕗᒍᑦ ᓴᓇᐅᒐᕐᑏᑦ ᐃᓕᓐᓂᐊᕐᑎᑕᐅᓯᒪᖁᓪᓗᒋᑦ ᐊᑦᑕᓇᔾᔭᐃᖅᓯᒪᔭᕆᐊᖃᕐᓂᕐᒧᑦ ᐊᒻᒪ ᓇᖕᒥᓂᖅ ᐊᔪᓐᖏᓐᓂᕐᒥᓂᒃ ᖃᐅᔨᒪᔭᕆᐊᖃᕐᓂᖏᓐᓄᑦ.

ᑐᑭᓯᒋᐊᕈᓐᓇᕐᐳᑎᑦ, ᐅᕙᓐᖓᑦ:
ᓵᓐᑎ ᐅᖑᖓᐃ
ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕐᓂᕐᒧᑦ ᐱᓕᕆᕝᕕᒃ
ᐃᖅᑲᓇᐃᔭᕐᕕᖕᒥ ᐋᓐᓂᕐᑐᖃᖅᑐᒥᓂᐅᑎᒡᓗᒍ ᓇᒡᓕᐅᒃᑯᒫᓕᕆᔩᑦ ᑲᑎᒪᔨᖏᑦ

Phone: 1-877-404-8878 or (867) 645-5605
Fax: (867) 645-5601


ᐱᕐᓗᐊᕿᔪᓄᑦ ᓇᓪᓕᐅᒃᑯᒫᑦ

ᐃᖅᑲᓇᐃᔭᕐᕕᖕᒥ ᐋᓐᓂᕐᑐᖃᖅᑐᒥᓂᐅᑎᒡᓗᒍ ᓇᒡᓕᐅᒃᑯᒫᓕᕆᔩᑦ ᑲᑎᒪᔨᖏᑦ ᓴᐳᔾᔨᓇᓱᐊᕐᑎᐅᖕᒪᑕ ᐃᖅᑲᓇᐃᔭᕐᑎᓄᑦ ᐋᓐᓂᕐᑐᒥᓂᐅᓂᕐᒥᓄᑦ ᐃᖅᑲᓇᐃᔭᕐᕕᖕᒥ ᑮᓇᐅᔾᔭᒃᓴᓐᖏᑲᐃᓐᓇᑎᒡᓗᒋᑦ.  ᓄᓇᕗᖕᒥ ᓴᓇᐅᒐᕐᑏᑦ ᐊᒻᒪ ᓴᓇᓐᖑᐊᕐᑏᑦ ᑭᒡᒐᑐᖅᑕᐅᔪᓐᓇᒥᖕᒪᑕ ᐃᖅᑲᓇᐃᔭᕐᕕᖕᒥ ᐋᓐᓂᕐᑐᖃᖅᑐᒥᓂᐅᑎᒡᓗᒍ ᓇᒡᓕᐅᒃᑯᒫᓕᕆᔩᑦ ᑲᑎᒪᔨᖏᓐᓄᑦ ᑎᑎᕋᖅᑕᐅᓯᒪᑐᐊᕐᐸᑕ "ᐃᒻᒥᒃᑰᕐᑐᑦ ᐊᐅᓚᑦᑎᔩᑦ ᐃᓱᒪᕐᓱᕐᓗᑎᒃ ᓇᒡᓕᐅᒃᑯᒫᕐᑖᕈᒪᒃᐸᑕ"

ᐋᓐᓂᕈᕕᑦ ᐃᖅᑲᓇᐃᔭᕐᓗᑎᑦ, ᒪᑯᓅᓇ ᐃᑲᔪᕐᑕᐅᔪᓐᓇᑐᐃᓐᓇᕆᐊᖃᖅᐳᑎᑦ:

  • ᐋᓐᓂᐊᕐᑐᓕᕆᔭᐅᓗᑎᑦ
  • ᑎᒥᒃᑯᑦ ᐱᓕᒻᒪᕐᓴᖅᑕᐅᖃᑦᑕᕐᓗᑎᑦ
  • ᐅᖃᕆᐅᕐᓴᑎᑕᐅᖃᑦᑕᕐᓗᑎᑦ
  • ᓇᒡᓕᐅᒃᑯᒫᕐᑖᖅᑎᑕᐅᖃᑦᑕᕐᓗᑎᑦ ᐊᑭᓕᕐᓱᖅᑕᐅᑲᐃᓐᓇᕐᓗᑎᑦ ᐃᖅᑲᓇᐃᔭᕈᓐᓇᓐᖏᑲᐃᓐᓇᓂᕐᓂ.
  • ᐃᓅᓯᓕᒫᓐᓂ ᐃᖅᑲᓇᐃᔭᕈᓐᓇᖏᑦᑐᖅᓯᐅᑎᑖᖃᑦᑕᕐᓗᑎᑦ

ᐃᓅᔪᓐᓃᑳᓪᓚᓐᓂᕈᕕᑦ ᐃᖅᑲᓇᐃᔭᕐᕕᖕᒥ, ᐃᓚᒋᔭᐃᑦ ᒪᑯᓅᓇ ᐃᑲᔪᕐᑕᐅᔪᓐᓇᑐᐃᓐᓇᕆᐊᓕᒃ:

  • ᐃᖅᑲᓇᐃᔭᕈᓐᓇᖏᑦᑐᕐᓯᐅᑎᒃᑯᑦ
  • ᐃᓗᕕᕐᑕᐅᔾᔪᑎᓐᓄᑦ ᐊᑭᓕᕆᐊᓕᖕᓄᑦ

ᓇᓪᓕᐅᒃᑯᒫᖃᕐᓂᐊᕈᕕᑦ ᑎᑎᕋᖅᑕᐅᑎᖃᑦᑕᕆᐊᖃᖅᐳᑎᑦ ᑲᑎᒪᔨᓄᑦ ᐊᕐᕌᒍᑕᒫᑦ ᐊᒻᒪ ᐊᑭᓖᔭᕆᐊᖃᖅᑐᑎᑦ.

ᑐᑭᓯᒋᐊᕈᒪᒍᕕᑦ ᐅᖄᓚᕕᒋᓗᒋᑦ ᑲᑎᒪᔩᑦ ᐃᖃᓗᖕᓂ ᐅᖄᓚᐅᑎᖓ ᐊᑭᖃᓐᖏᑦᑐᖅ 1-877-404-4407 ᐅᕝᕙᓘᓐᓃᑦ ᑲᖏᖅᖠᓂᕐᒥ ᑲᑎᒪᔩᑦ ᐅᖄᓚᐅᑎᖓ 1877-404-8878.

ᐊᑦᑕᓇᔾᔭᐃᒃᑯᑕᐅᔪᓐᓇᕐᑐᑦ ᓴᓇᓐᖑᐊᕐᑎᓄᑦ

ᓴᓇᓐᖑᐊᕈᑎᖃᑦᑎᐊᕐᓂᖅ

  • ᖃᓄᖅ ᐊᑐᕆᐊᖃᕐᒪᖔᑕ ᐊᔪᕆᕐᓯᐅᔾᔨᓯᒪᔪᑦ ᐅᖃᓕᒫᑦᑎᐊᖅᑳᕐᓗᒋᑦ, ᐊᒻᒪ ᑐᑭᓯᓇᓱᑦᑎᐊᕐᓗᒋᑦ.  ᖃᓪᓗᓈᑎᑑᕐᑐᑦ ᑐᑭᓯᑦᑎᐊᕈᓐᓇᖏᒃᑯᕕᒋᑦ ᐃᑲᔪᕐᑕᐅᔪᒪᔪᓐᓇᕐᐳᑎᑦ ᐃᖅᑲᓇᐃᔭᕐᕕᖕᒥ ᐋᓐᓂᕐᑐᖃᖅᑐᒥᓂᐅᑎᒡᓗᒍ ᓇᒡᓕᐅᒃᑯᒫᓕᕆᔨᒃᑯᑦ ᑲᑎᒪᔨᖏᑕ ᐱᓕᕆᔨᖓᓐᓂᑦ.
  • ᓴᓇᔭᓐᓄᑦ ᑐᕌᖓᔪᒥᒃ ᓴᓇᕐᕈᑎᖃᖃᑦᑕᕐᓗᑎᑦ
  • ᐅᐊᔭᒨᕐᑐᒥᑦ ᓴᓇᓐᖑᐊᕈᑎᖃᕐᓂᐊᕈᕕᑦ, ᐊᑐᖃᑦᑕᕆᐊᖃᕐᐳᑎᑦ ᖃᓕᕇᓐᓂᑦ ᐃᑭᐊᕐᑎᓕᖕᓂᒃ.
  • ᓴᓇᓐᖑᐊᕈᖕᒧᑦ ᐃᓚᓕᐅᑎᔭᕆᐊᓕᖕᓂᒃ ᑭᓯᐊᓂ ᐊᑐᖃᑦᑕᕐᓗᓗᑎᑦ.

ᐊᑦᑕᓇᔾᔭᐃᕐᓯᒪᐃᓐᓇᕐᓗᑎᑦ ᐊᑐᓕᕋᐃᒍᕕᒋᑦ

  • ᐅᐊᔭᓂᒃ ᑲᑉᐳᔾᕕᖕᓂᒃ ᑭᓯᐊᓂ ᓯᓚᒦᑦᑐᖅᓯᐅᑎᓂᒃ ᐊᑐᖃᑦᑕᕐᓗᑎᑦ ᐊᒻᒪ ᓄᓇᒧᐊᖓᑦᑎᐊᕐᕐᑐᓂᒃ.
  • ᓇᐃᓐᓂᖅᐹᒥᑦ ᓱᖑᓴᐃᔾᔪᑎᖃᖃᑦᑕᕐᓗᑎᑦ.
  • ᐃᖅᑲᐅᒪᐃᓐᓇᕐᓗᑎᑦ ᓱᖑᔭᐃᔾᔪᑎᑦ ᓄᕗᖏᑦ ᐊᓯᔾᔨᕐᓂᐊᓕᕋᐃᒍᕕᒋᑦ ᑲᑉᐳᔾᔮᑳᕆᐊᖃᕋᕕᒋᑦ.
  • ᓴᓂᕐᕙᔾᔭᐃᒃᑯᓯᕐᓗᒍ ᐅᕝᕙᓘᓐᓃᑦ ᐃᑉᐱᐊᕐᔪᕐᓂᒃ ᓯᐅᕋᕐᓂᒃ ᐃᓗᓕᓕᖕᓂᒃ ᓴᓇᓐᖑᐊᕐᑕᐃᑦ ᐱᓯᒪᔾᔪᑎᖃᕐᓗᓂ − ᓂᐅᓐᓅᖏᑦᑐᖅ ᐅᕝᕙᓘᓐᓃᑦ ᐃᓯᒐᓐᓅᖏᑦᑐᖅ.  ᐅᕝᕙᓘᓐᓃᑦ ᓴᓂᕐᐸᔾᔭᐃᕐᓗᒍ ᑮᒻᒥᐊᕈᑎᓄᑦ ᐃᓂᖃᑦᑎᐊᕐᓗᓂ ᓴᓂᕐᕙᕐᓂᐅᓴᓐᖏᑦᑐᒥᒃ.
  • ᐊᑐᕈᓐᓃᕋᐃᒍᕕᒋᑦ ᓴᓇᕐᕈᑎᑎᑦ ᐸᐸᑦᑎᐊᕐᓗᒋᑦ ᕿᐅᒃᑲᓇᓐᖏᑦᑐᒥ, ᐳᔪᕐᓗᖏᑦᑐᒥ.
  • ᐅᐊᔭᐃᑦ ᐃᒧᑦᑎᐊᕐᓗᒋᑦ.
  • ᐅᐊᔭᒨᕐᑐᑦ ᓴᓇᓐᖑᐊᕈᑎᑎᑦ ᓯᓚᒧᑦ ᕿᒪᑦᑕᐃᓕᓗᒋᑦ − ᐃᓗᖏᑎᒍᑦ ᕿᐅᒃᑲᖅᑲᑕ ᖁᐊᕈᓐᓇᕐᒪᑕ.  ᓴᓇᓐᖑᐊᕈᑎᑎᑦ ᑲᒪᒋᑦᑎᐊᕈᕕᒋᑦ ᐊᑯᓂᐅᓂᕐᓴᖅ ᐊᑐᕈᓐᓇᕐᒪᑕ.

 

ᐊᑦᑕᓇᔾᔭᐃᒃᑯᑎᓂᒃ ᐊᑐᖃᑦᑕᕐᓗᑎᑦ

  • ᓴᓇᓐᖑᐊᒐᒃᓴᒥᒃ ᐊᕕᑦᑎᒐᓱᐊᕐᓗᑎᑦ ᐅᕝᕙᓘᓐᓃᑦ ᓄᖑᓴᐃᓗᑎᑦ, ᐊᑦᑕᓇᔾᔭᐃᒃᑯᑎᓂᒃ ᐃᒡᒑᖃᑦᑕᕐᓗᑎᑦ.
  • ᓯᐅᒻᒥᒑᕐᓯᒪᖃᑦᑕᕐᓗᑎᑦ ᓂᐱᖃᓗᐊᕐᑐᓄᑦ.
  • ᐊᒡᒑᕐᓯᒪᓗᑎᑦ.  ᓴᔪᓗᒃᑐᓂᒃ ᓴᓇᓐᖑᐊᕈᑎᖃᕐᓂᐊᕈᕕᑦ, ᐊᒡᒑᕐᓯᒪᖃᑦᑕᕐᓗᑎᑦ ᓴᔪᓗᖕᓇᖏᑦᑐᓂᒃ.
  • ᐊᐅᑦᑕᔫᒥᒃ ᓵᓕᓴᖅᓯᒪᓗᑎᑦ ᐊᒻᒪ ᑲᒥᒃᓯᒪᓗᑎᑦ ᓯᑎᔫᓐᓂᒃ ᐳᑐᒍᓖᖕᓂᒃ.
  • ᐊᓂᕐᓵᑑᑎᖃᑦᑎᐊᖅᑐᓂᒃ ᐊᑐᖃᑦᑕᕐᓗᑎᑦ − ᐱᐅᔪᒃᓴᔭᓂᒃ ᐊᓂᕐᓵᕐᑑᑎᓂᒃ ᐊᓂᕐᑎᕆᕕᖏᑦ ᑭᖑᕝᕕᕈᓐᓇᕐᑐᓂᒃ ᐊᒻᒪ ᓴᓗᒪᔪᓂᒃ ᔪᕈᔪᒃᑕᐃᓕᔾᔪᑎᓂᒃ.  ᐊᑐᑐᐃᓐᓇᖃᑦᑕᖏᓪᓗᑎᒃ ᐊᑭᑭᑦᑐᕈᓗᖕᓂᒃ ᐳᔪᕐᓗᖕᒧᑦ ᐊᓂᕐᑎᕆᔾᔭᐃᒃᑯᑎᓂᒃ.
  • ᐊᓂᕐᓵᕐᑑᑏᑦ ᑮᓇᓐᓄᑦ ᓈᒻᒪᑦᑎᐊᕆᐊᓕᒃ.  ᐅᓐᖏᔭᕐᓯᒪᑦᑎᐊᕐᓗᑎᑦ1 ᐊᓂᕐᓵᕐᑑᑦ ᑮᓇᓐᓄᑦ ᓈᖕᒪᑦᑎᐊᕆᐊᓕᒃ ᕿᓪᓛᑦᑕᐃᓕᖁᓪᓗᒍ.  ᖃᐅᔨᓴᖅᑳᕐᓗᒍᓗ ᐊᓂᕐᓵᕐᑑᑏᑦ ᐱᔪᓐᓇᑦᑎᐊᕋᓗᐊᕐᒪᖔᖅ.
  • ᖃᐅᔨᓴᖃᑦᑕᕐᓗᒍ ᐊᓂᕐᓵᕐᑑᑏᑦ ᐳᔪᕐᓗᖕᒧᑦ ᓄᐊᕝᕕᐅᓯᒪᓐᖏᒃᑲᓗᐊᕐᒪᖔᖅ ᐊᒻᒪ ᓴᓗᒪᒐᓗᐊᕐᒪᖔᖅ.
  • ᐊᑐᐃᓐᓇᖃᑦᑎᐊᕐᓗᑎᑦ ᐳᔪᕐᓗᖕᒧᑦ ᓴᓗᖕᒪᕐᓴᐅᑎᖃᕋᓗᐊᕐᒪᖔᕐᐱᑦ ᑭᖑᕝᕕᐅᑎᒃᓴᓂᒃ.
  • ᓴᓇᓐᖑᐊᕈᑎᑎᑦ ᐊᓐᓄᕌᑦ ᐲᖃᑦᑕᕐᓗᒋᑦ ᐊᖏᕐᕋᓐᓄᑦ ᐃᓯᓚᐅᓐᖏᓂᕐᓂ.

ᖃᐅᔨᒪᑦᑎᐊᖃᑦᑕᕐᓗᒋ  ᓴᓇᓐᖑᐊᕈᑎᑎᑦ ᐱᔪᓐᓇᑦᑎᐊᕋᓗᐊᕐᒪᖔᑕ

  • ᖃᐅᔨᒪᑦᑎᐊᖃᑦᑕᕐᓗᒋᑦ ᐅᐊᔭᖏᑦ ᓴᓇᓐᖑᐊᕈᑎᕕᑦ ᓇᑲᑎᕐᓯᒪᓐᖏᒃᑲᓗᐊᕐᒪᖔᑕ ᐅᕝᕙᓘᓐᓃᑦ ᓄᖑᓯᒪᓐᖏᒃᑲᓗᐊᕐᒪᖔᑕ.
  • ᖃᐅᔨᒪᑦᑎᐊᕐᓗᒋ ᓇᑲᑎᕈᑎᖏᑦ ᐊᒻᒪ ᓄᖑᓴᐅᑎᖏᑦ ᓴᓇᓐᖑᐊᕈᑎᕕᑦ ᖃᓄᐃᓐᖏᒃᑲᓗᐊᕐᒪᖔᑕ, ᐱᐅᒍᓐᓃᖏᒃᑲᓗᐊᕐᒪᖔᑕ.
  • ᐊᑦᑕᓇᔾᔭᐃᒃᑯᑎᖏᑦ ᐋᖅᑭᒃᓯᒪᑦᑎᐊᕋᓗᐊᕐᒪᖔᑕ ᖃᐅᔨᒋᐊᖃᑦᑕᕐᓗᒋᑦ.  ᓄᖑᓴᐅᑎᖓ ᓄᖅᑲᕐᑕᕐᐸᑦ, ᐅᕝᕙᓘᓐᓃᑦ ᑎᕝᕗᐃᑳᓪᓚᒃᑯᕕᐅᒃ, ᐋᓐᓂᕈᑕᐅᒻᒪᕆᒍᓐᓇᕐᒪᑦ.  ᓴᐳᑎᔾᔪᑎᖓ ᐃᓕᓐᓅᔾᔭᐃᒃᑯᑕᐅᖕᒪᑦ ᐳᔪᕈᔪᐊᓄᑦ ᐊᒻᒪ ᐅᔭᕋᓐᓄᑦ ᐱᑦᓯᒐᕐᑐᓄᑦ.  ᓴᐳᔾᔨᔾᔪᑕᐅᖕᒥᖕᒪᑦ ᐳᔪᕐᓗᒃ ᐊᓄᕌᕈᑎᖓᓅᓕᓐᖏᒃᑲᓗᐊᕐᒪᖔᖅ ᓴᓇᓐᖑᐊᕈᑎᕕᑦ. ᐅᔭᕋᓛᑦ ᐊᒻᒪ ᐳᔪᕐᓗᒃ ᓄᖑᔭᐃᔪᓐᓇᒡᓚᕆᖕᒪᑦ ᐃᓗᐊᓂᒃ ᓴᓇᓐᖑᐊᕈᑎᕕᑦ.

ᐊᑦᑕᓇᔾᔭᐃᕐᓯᒪᓗᒍ ᓴᓇᓐᖑᐊᕐᕕᒋᔭᐃᑦ

  • ᐊᒡᒐᐅᑎᕐᓗᓕᕈᑕᐅᓲᖅ ᓄᑭᕋᓛᖏᑎᒍᑦ, ᓇᕿᑦᑕᖅᑎᓄᑦ, ᑕᐃᒪᐃᓕᕈᑕᐅᔪᓐᓇᒥᖕᒪᑦ ᓴᓇᓐᖑᐊᕐᑎᓄᑦ ᐱᔾᔪᑎᒋᓪᓗᒍ ᐊᒡᒐᐅᑎᐅᑉ ᐊᐅᓚᔭᕆᐊᖃᕈᑎᒋᓐᖏᑕᖓᓂᒃ ᐃᓕᖅᑯᓯᖃᓲᖑᓂᖏᓐᓄᑦ 9ᕋᖑᑭᔨᖑᓗ ᑎᒥᓴᓴᕿᓗ ᐅᓯᓴᖁᑭᓕᒪᕿ0.  ᓴᓇᓐᖑᐊᓂᕐᒥᓂ ᓴᓇᓐᖑᐊᖅᑏᑦ ᑎᒥᖏᑕ ᐃᓕᖅᑯᓯᒥᒍᑦ ᐋᖅᑭᒃᓯᒪᔭᕆᐊᖃᕐᓂᖓᓂᒃ ᐊᑐᕋᓱᒋᐊᖃᖅᐳᑦ ᐅᕝᕙᓘᓐᓃᑦ ᓴᓇᓐᖑᐊᓂᓐᓂ ᐊᒡᒐᐅᑏᒃᑭᒃ ᐃᓱᒪᒋᓇᓱᐊᕐᓗᒋᒃ.
  • ᓴᓇᓐᖑᐊᖃᑦᑕᕐᓗᑎᑦ ᖃᐅᓯᓐᖏᑦᑐᒥ ᐃᒪᕐᒥᑦ ᖃᓂᒃᓴᖏᑦᑐᒥ.
  • ᓄᖑᓴᐃᔾᔪᖕᒥᑦ ᐊᑐᓕᕋᐃᒍᕕᑦ ᖃᓂᓪᓕᔭᐅᑦᑕᐃᓕᒪᓗᑎᑦ ᐊᓯᓐᓄᑦ.
  • ᖃᐅᔨᒪᑦᑎᐊᕋᓱᐊᕐᓗᒋᓪᓗ ᓱᕈᓰᑦ ᖃᓂᓪᓕᓗᐊᓕᓐᖏᒃᑲᓗᐊᕐᒪᖔᑕ ᐳᔪᕈᔪᐊᓄᑦ ᓴᓇᓐᖑᐊᕐᕕᒋᔭᕕᑦ.

Menu