ᓄᓇᓕᖕᒥ ᓴᓇᐅᒐᖅᑏᑦ ᑲᑐᔾᔨᖃᑎᒌᒃᓴᖏᓐᓂᒃ ᓴᖅᑮᓂᖅ

ᓴᓇᐅᒐᕐᑏᑦ ᐃᓂᕐᓯᔪᓐᓇᓂᕐᓴᐅᖕᒪᑕ ᑲᑐᔾᔨᖃᑎᒌᒃᑯᑎᒃ.  ᓴᖅᑮᓂᒃ ᓴᓇᐅᒐᖅᑏᑦ ᑲᑐᔾᔨᖃᑎᒌᖏᓐᓂᒃ ᐃᑲᔫᑎᖃᕈᓐᓇᖕᒪᕆᒃᐳᖅ.  ᓴᓇᐅᒐᖅᑏᑦ ᑲᑐᔾᔨᖃᑎᒌᖏᑦ ᐃᒪᐃᒍᓐᓇᕐᐳᑦ:

  • ᑲᑐᔾᔨᓗᑎᒃ ᑲᒪᒋᔭᕆᐊᓕᖕᒥᓂᒃ ᓂᐅᕕᐊᖑᑉᐸᑕ ᓴᓇᐅᒐᖏᑦ ᕿᑐᓐᖏᐅᕈᑎᖏᓐᓄᑦ ᐊᒻᒪ ᐃᖅᑲᓇᐃᔮᓄᑦ ᑳᓐᑐᕌᑎᒍᑦ
  • ᑲᑐᔾᔨᓗᓯ ᐃᓱᒫᓘᑎᒃᓯᓐᓂᒃ ᓴᖅᑮᖃᑦᑕᕐᓗᓯ ᐊᒻᒪ ᑕᐃᒫᒃ ᑐᓴᖅᑕᐅᓂᕐᓴᐅᔪᓐᓇᕋᑦᓯ
  • ᑮᓇᐅᔭᕐᑖᕋᓱᒍᓐᓇᕐᑐᓯ ᑲᑐᔾᔨᓗᓯ ᒪᑐᐃᖓᓐᖏᑦᑐᓄᑦ ᐊᑐᓂ ᐃᓄᖕᓄᑦ

ᓴᓇᐅᒐᕐᑎᓯ ᑲᑐᔾᔨᖃᑎᒌᖏᑦ ᐃᓕᑕᕆᔭᐅᓂᐊᕐᒪᑕ ᒐᕙᒪᐅᔪᓄᑦ ᑎᑎᕋᖅᑕᐅᑎᓯᒪᒍᑦᓯ ᐃᓕᑕᕆᔭᐅᓯᒪᓗᓯ ᑲᑐᔾᔨᖃᑎᒌᑦ.  ᐃᓕᑕᕆᔭᐅᓯᒪᔪᑦ ᑦᑲᑐᔾᔨᖃᑎᒌᑦ ᒪᓕᒐᕐᑎᒍᑦ ᑎᒥᐅᖕᒪᑕ ᐃᓛᒃᑰᖓᓪᓗᑎᒃ ᐃᓚᒋᔭᐅᔪᖁᑎᒥᓄᑦ.  ᑲᑐᔾᔨᖃᑎᒌᑦ ᓂᐅᕕᕈᓐᓇᕐᑐᑎᒃ ᐱᖁᑎᓂ, ᑮᓇᐅᔭᓂᒃᐊᑐᕐᑐᐊᕈᓐᓇᕐᑐᑎᒃ, ᐊᒻᒪ ᐃᒡᓗᓕᐅᕈᓐᓇᕐᑐᑎᒃ. ᑕᒪᐃᑕ ᐅᖃᐅᓯᕆᓗᒋᑦ, ᐃᓚᒋᔭᐅᔪᑦ ᑲᑐᔾᔨᖃᑎᒡᒋᒃᑯᓐᓄᑦ ᐊᑭᓕᒃᓴᓂᒃᑎᑕᐅᔪᓐᓇᓐᖏᓚᑦ ᑲᑐᔾᔨᖃᑎᒌᒃᑯᑦ ᐊᑭᓕᒃᓴᖃᓕᕐᓂᕐᐸᑕ ᐊᒻᒪ ᑲᑐᔾᔨᖃᑎᒌᒃᑯᓐᓂᑦ ᑲᒪᒋᔭᒃᓴᖃᓕᕐᑎᑕᐅᔪᓐᓇᓐᖏᓚᑦ.

ᑕᓪᓕᒪᐅᔭᕆᐊᖃᕐᐳᑦ ᐃᓄᐃᑦ ᐅᖓᑖᓄᒡᓘᓐᓃᑦ ᓴᖅᑮᔪᓐᓇᕐᓯᓚᐅᓐᖏᓐᓂᖏᓐᓂ ᐃᓕᑕᕆᔭᐅᓯᒪᔪᒥᒃ ᑲᑐᔾᔨᖃᑎᒌᒥᒃ.  ᑎᑎᕋᖅᑕᐅᑎᒍᓐᓇᕐᒐᓯ ᑲᑐᔾᔨᖃᑎᒌ:

  1. ᑐᒃᓯᕋᐅᑕᐅᔪᖅ ᑕᑕᑎᕐᓗᒍ ᐊᒻᒪ ᐊᑎᓕᐅᕐᑕᐅᓗᓂ ᑕᓪᓕᒪᐅᔪᓄᑦ ᐃᓚᒋᔭᐅᔪᓄᑦ
  2. ᐱᖁᔭᕋᓛᑦ ᐊᑎᓕᐅᕐᑕᐅᓗᑎᑦ ᑕᓪᓕᒪᓄᑦ ᐃᓚᒋᔭᐅᔪᓄᑦ
  3. ᑐᔫᑎᒋᓗᒍ ᑐᒃᓯᕋᐅᑦ, ᐱᖁᔭᕋᓛᑦ, ᐊᑭᓖᔾᔪᑎᑦ ᐊᒻᒪ ᖃᐅᔨᒃᑲᐃᔾᔪᑦ ᑎᑎᕋᖅᑕᐅᕕᖕᒧᑦ.


ᐅᖃᖃᑎᒋᖅᑳᕐᓗᒋᑦ ᑎᑎᕋᕐᕕᖓᓃᑦᑐᑦ ᑎᑎᕋᖅᑕᐅᕕᐅᑉ ᑐᔫᑎᒋᓚᐅᓐᖏᓐᓂᕐᓂ ᑐᒃᓯᕋᐅᑏᑦ.  ᐊᔪᕆᕐᓯᐅᔾᔭᐅᓂᐊᕋᑦᓯ ᖃᓄᐃᑦᑐᓂᒃ ᑐᒃᓯᕋᐅᑎᖃᕆᐊᖃᕐᒪᖔᑦᓯ ᐊᒻᒪ ᒪᓕᒐᕋᓛᓂᑦ ᑎᑎᕋᓕᕈᕕᒋᑦ ᐃᑲᔫᑎᖃᕐᓂᐊᕐᒪᑕ.

ᑖᒃᑯᐊ ᑎᑎᕋᓕᕈᕕᒋᑦ ᐃᑲᔪᖅᑕᐅᔭᕆᐊᖃᕈᕕᑦ ᐊᐱᕆᔪᓐᓇᕐᑕᐃᑦ ᓄᓇᓯᓐᓂ ᐱᕙᓪᓕᐊᔪᓕᕆᔨ ᐃᑲᔪᖅᑕᐅᔪᒪᓗᑎᑦ.


ᐊᑐᐊᒐᑦ

ᐊᕐᕌᒍᑕᒫᑦ, ᐅᓪᓗᐃᑦ ᖕᒃ ᐊᓂᒍᓚᐅᕐᑎᒡᓗᒋᑦ ᐊᕐᕌᒍᑕᒫᕐᓯᐅᖕᒥᑦ ᑲᑎᒪᓂᖃᓚᐅᕐᑎᒡᓗᒋᑦ, ᐃᓕᑕᕆᔭᐅᓯᒪᔪᑦ ᑲᑐᔾᔨᖃᑎᒌᑦ ᐅᑯᓂᖓ ᑎᑎᖅᑲᓂᒃ ᑎᑎᕋᖅᑕᐅᕕᖕᒧᑦ ᐊᐅᓪᓚᑎᑦᑎᖃᑦᑕᕆᐊᖃᖅᐳᑦ:

  1. ᑮᓇᐅᔭᑦ ᐊᑐᖅᑐᒥᓃᑦ ᐊᑎᓕᐅᖅᑕᐅᓯᒪᔪᑦ ᑲᑐᔾᔨᖃᑎᒌᑦ ᑮᓇᐅᔭᓄᑦ ᖃᐅᔨᓴᖅᑎᖓᓄᑦ ᐅᕝᕙᓘᓐᓃᑦ, ᒪᕐᕉᓐᓄᑦ ᑲᑎᒪᔨᐅᔫᓐᓄᑦ.  ᑖᒃᑯᐊ ᑮᓇᐅᔭᑦ ᐊᑐᖅᑐᒥᓃᑦ ᓇᓗᓇᐃᖅᓯᓯᒪᓂᐊᕐᒪᑕ ᐱᖁᑎᖏᓐᓂᒃ ᐊᒻᒪ ᑮᓇᐅᔭᖁᑎᖏᓐᓂᒃ ᑲᑐᔾᔨᖃᑎᒌᑦ, ᐊᒻᒪᓗ ᓇᓕᖅᑲᓕᒫᖏᓐᓂᒃ ᑮᓇᐅᔭᓄᑦ ᐊᑐᖅᑐᒥᓂᕐᓄᑦ.
  2. ᑎᑎᕋᖅᓯᒪᔪᑦ ᑲᑎᒪᔩᑦ ᐊᑎᖏᑦ, ᐃᓚᖃᕐᓗᑎᒃ ᓇᓗᓇᐃᕐᓯᓯᒪᔪᓂᒃ ᐃᖅᑲᓇᐃᔮᖏᓐᓂᒃ ᐊᒻᒪ ᑐᕌᕈᑎᖏᓐᓂᒃ.  ᑲᑎᒪᔨ ᐅᕝᕙᓘᓐᓃᑦ ᐱᔪᓐᓇᐅᑎᓕᒃ ᐱᓕᕆᔨᐅᔪᖅ ᑲᑐᔾᔨᖃᑎᒌᓄᑦ ᑖᒃᑯᓂᖓ ᐊᑎᕐᓂᒃ ᑎᑎᕋᖅᓯᒪᔪᓂᒃ ᐊᑎᓕᐅᕆᐊᓕᒃ.


ᑲᑐᔾᔨᖃᑎᒌᑦ ᑐᕌᕈᑎᖃᕆᐊᖃᖅᐳᑦ ᑎᑎᖅᑲᒃᑯᕕᖓ ᓄᓇᕗᖕᒥ ᐱᔾᔪᑎᒋᓪᓗᒋᑦ ᑎᑎᖅᑲᑦ ᐊᒪ ᒪᓕᒐᕐᑎᒍᑦ ᑐᓴᕐᑎᑦᑎᔾᔪᑎᑦ ᑕᒡᕗᖓ ᑐᕌᖅᑎᑕᐅᖃᑦᑕᕈᓐᓇᖁᓪᓗᒋᑦ.  ᑐᕌᕈᑎᖓ ᐊᓯᔾᔨᖅᑐᒥᓂᐅᒃᐸᑦ, ᑲᑐᔾᔨᖃᑎᒌᒃᑯᑦ ᖃᐅᔨᒃᑲᐃᔭᕆᐊᖃᕋᔭᕐᐳᑦ ᑎᑎᕋᕐᑕᐅᕕᒃᑯᓐᓂᑦ.


ᑐᑭᓯᒋᐊᕈᓐᓇᖁᑎᑦ, ᐅᑯᓇᓐᖓᑦ:
ᓄᓇᕗᖕᒥ, ᒪᓕᒐᕐᑎᒍᑦ ᑎᑎᕋᖅᑕᐅᕕᒃ
ᐅᖄᓚᐅᑎᖓ: (867) 975-6190
ᖃᕆᑕᐅᔭᒃᑯᑦ ᑐᕌᕈᑎᖓ:  This email address is being protected from spambots. You need JavaScript enabled to view it.


ᓴᓇᐅᒐᐃᑦ ᐊᔾᔨᓕᐅᕐᑕᐅᖃᑦᑕᕐᓂᖏᓐᑕ ᒪᓕᒐᖓᑦ

ᐃᓱᒪᕐᓱᕋᕕᑦ ᖃᓄᖅ,ᖃᖓᓗ ᐊᒻᒪ ᓇᓂ ᓴᓇᐅᒐᑎᑦ ᐊᔾᔨᓕᐅᕐᑕᐅᖃᑦᑕᖁᒻᒪᖔᕐᐱᒋᑦ.  ᓴᓇᐅᒐᕐᑎᑦ ᓇᖕᒥᓂᖅ ᐊᔪᓐᖏᓐᓂᖃᕐᒪᑕ ᐱᓕᕆᐊᒥᓄᑦ ᐊᒻᒪ ᐃᑲᔫᓯᐊᕐᕕᒋᓗᓂᒋᑦ ᓴᖅᑭᔮᕐᑎᑕᓂ ᐊᒻᒪ ᐊᔾᔨᓕᐅᕐᑕᐅᓯᒪᓂᖏᓐᓄᑦ ᓴᓇᐅᖓᖏᑕ.  ᐊᐅᓚᑦᑐᓇᓐᖏᒃᑯᕕᒋᑦ ᓴᓇᐅᒐᕐᑎᑦ, ᓴᓇᐅᒐᕐᑎᑦ ᓇᓂᑐᐃᓐᓈᓕᕈᓐᓇᕐᒪᑕ, ᐊᒻᒪ ᓴᓇᐅᒐᖃᓕᕈᓐᓇᕋᕕᑦ ᐊᐅᓚᑦᑐᓇᓐᖏᓇᓐᓂᒃ.

ᑲᓇᑕᒥ ᐊᔾᔨᓕᐅᕆᔪᓐᓇᓂᕐᒧᑦ ᒪᓕᒐᕐᔪᐊᑦ ᓴᐳᔾᔨᔾᔪᑕᐅᔪᓐᓇᕐᒪᑦ ᓴᓇᐅᒐᕐᑏᑦ ᑐᓂᔭᐅᓗᑎᒃ ᒪᓕᒐᕐᑎᒍᑦ ᐊᔪᓐᖏᓐᓂᕐᒥᒃ ᐊᐅᓚᑦᑎᔾᔪᑎᒋᓂᐊᕐᑕᖏᓐᓂᒃ ᖃᓄᖅ ᓴᓇᐅᒐᖏᑦ ᐊᐅᓚᑕᐅᔪᓐᓇᕐᒪᖔᑕ.  ᓴᓇᐅᒐᕐᑏᑦ ᐊᔪᓐᖏᓐᓂᖃᕈᓐᓇᕆᕗᑦ ᐊᑭᓕᖅᑕᐅᓗᑎᒃ ᐊᓯᒥᓄᑦ ᓴᓇᐅᒐᖏᑦ ᐊᔾᔨᓕᐅᖅᑕᐅᔪᓐᓇᑎᒃᐸᒋᑦ.  ᑲᓇᑕᒥ ᐊᔾᔨᓕᐅᕆᔪᓐᓇᓂᕐᒧᑦ ᐊᔪᓐᖏᓐᓂᐅᔪᑦ ᐊᑐᖅᑕᐅᔪᓐᓇᕈᑕᐅᕗᑦ ᐊᕐᕌᒍᓂᒃ 50−ᓂᒃ ᓴᓇᐅᒐᖅᑎ ᐃᓅᔪᓐᓃᕐᓯᒪᓕᕐᑎᒡᓗᒍ.

ᕿᓂᕐᓂᓐᓂ ᐃᑲᔪᖅᑕᐅᔪᒪᓗᑎᑦ ᓴᐳᔾᔭᐅᓯᒪᔪᒪᓂᕐᒧᑦ ᓴᓇᐅᒐᑎᑦ ᐊᔾᔨᓕᐅᖅᑕᐅᖃᑦᑕᖁᓇᒋᑦ, ᐅᕙᒍᑦ ᓄᓇᕗᖕᒥ ᓴᓇᐅᒐᕐᑏᑦ ᑲᑐᔾᔨᖃᑎᒌᖏᑎᒍᑦ ᐊᑐᓕᖁᔨᕗᒍᑦ CARfac−ᑯᑦ (Canadian Artists' Representation, or in French, Le Front des Artistes Canadiens) ᐃᑲᔪᖅᑐᐃᔨᒋᓗᒋᑦ.

CARfac−ᑯᑦ ᒪᑯᓅᓇ ᓴᓇᐅᒐᕐᑎᓂᒃ ᐃᑲᔪᖃᑦᑕᕐᐳᑦ:

  • ᐋᔩᖃᑎᖃᖃᑦᑕᕐᓗᑎᑦ ᐊᔾᔨᓕᐅᕆᖃᑦᑕᖅᑐᓄᑦ ᓴᓇᐅᒐᕐᓂᒃ
  • ᐊᑭᑐᓂᕐᐹᒃᑯᑦ ᐊᑭᓕᕐᑐᐃᑎᓐᓇᓱᖃᑦᑕᕐᓗᒋᑦ
  • ᑖᒃᓰᔭᕈᑎᑦ ᐊᒻᒪ ᓂᐅᕕᐊᒃᓴᓄᑦ ᑖᒃᓰᔭᕈᑎᑦ
  • ᓴᓇᐅᒐᐃᑦ ᓄᓇᕐᔪᐊᑉ ᐊᓯᐊᓄᑦ ᐊᐅᓪᓚᕐᑎᑕᐅᖃᑦᑕᕐᓂᖏᑦ
  • ᓂᐅᕕᖃᑦᑕᖅᑐᑦᓄᑦ ᐊᑐᐊᒐᐃ ᑐᕌᖓᔪᑦ
  • ᐋᓐᓂᐊᕐᑕᐃᓕᒪᓂᖅ ᐊᒻᒪ ᐊᑦᑕᓇᔾᔭᐃᕐᓯᒪᓂᖅ

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒃᑲᕐᓗᒋᑦ ᕋᒍ$ᑯᖑᖃ ᐊᔾᔨᓕᐅᕐᑕᐅᑦᑕᐃᓕᒪᑎᑦᑎᓂᕐᒧᑦ ᑲᒪᔨᐅᔪᑦ.

CARfac Copyright Collective
http://www.carfac.ca/collective/
Phone: (306) 982-4784
E-mail: This email address is being protected from spambots. You need JavaScript enabled to view it.

ᐊᑭᓕᕐᓱᐃᓂᖅ

ᐊᑭᓕᕐᓱᐃᓂᖅ ᓴᓇᐅᒐᕐᓂᑦ

ᐱᒡᒐᓇᓐᖏᑦᑐᓂᒃ ᐊᑐᐊᒐᕐᑕᖃᓐᖏᒻᒪᑦ ᓴᓇᐅᒐᕐᓄᑦ ᐊᑭᓕᕐᑐᐃᓂᕐᒧᑦ.  ᐊᒥᓲᓂᕐᓴᐃᑦ ᐃᓄᐃᑦ, ᐊᑭᓕᕐᑐᐃᓇᓱᖁᔨᓲᖑᕗᑦ ᒪᓕᒡᓗᒋᑦ ᐱᔪᒪᔭᐅᓂᖏᑎᒍᑦ.  ᓴᓇᐅᒐᕐᓄᑦ ᐊᑭᑦᑐᕋᐅᑎᖃᑎᒃᓴᖃᒻᒪᕆᒃᑯᕕᑦ ᐊᓯᓐᓂᑦ ᐊᒻᒪ ᓴᓇᕙᒃᑕᑎᑦ ᐱᔪᒪᔭᐅᓗᐊᕌᓗᓐᖏᑉᐸᑕ, ᐊᑭᑭᓐᓂᕐᓴᐅᑎᒡᓗᒋᑦ ᓴᓇᐅᒐᕐᑎᑦ.  ᐊᖑᒻᒪᑎᔪᓐᓇᖏᒃᑯᕕᑦ ᑐᒃᓯᕌᕆᔭᐅᔪᓄᑦ, ᐊᑭᑦᑐᕆᐊᕐᓗᒋᑦ.

ᓂᐅᕕᐅᑎᖃᕐᓂᖅ ᓴᓇᐅᒐᕐᓂᑦ

ᐊᒥᓲᓂᕐᓴᐃᑦ ᓴᓇᐅᒐᕐᑏᑦ ᓄᓇᕗᖕᒥ ᓂᐅᕕᐅᑎᖃᖃᑦᑕᖅᐳᑦ ᓴᓇᐅᒐᕐᒥᓂᒃ ᓂᐅᕕᕐᑎᐅᕙᒃᑐᓄᑦ ᓲᕐᓗ ᑯᐊᐸᓄᑦ ᐅᕝᕙᓘᓐᓃᑦ ᓂᐅᕕᕐᕕᖕᓄᑦ (Northern), ᑭᓯᐊᓂᓕ ᓴᓇᐅᒐᑎᑦ ᓂᐅᕕᐅᑎᒋᔪᓐᓇᕐᐸᑎᑦ ᓂᐅᕕᕐᐸᒃᑐᓄᑦ ᐊᖅᑯᑎᖃᓐᖏᓪᓗᑎᑦ ᑮᓇᐅᔭᓕᐅᕈᑎᖃᕋᓱᒃᑐᓂᒃ ᑕᐃᒪᐃᒍᒪᑐᐊᕈᕕᑦ.  ᑕᐃᒪ ᐊᔾᔨᒌᓐᖏᑐᒃᑯᑦ ᓂᐅᕕᐅᑎᖃᕈᓐᓇᕋᕕᑦ ᐊᒻᒪ ᐊᑐᓂ ᐊᑑᑎᖃᕈᓐᓇᖕᒪᕆᑦᑐᑎᒃ.

ᓂᐅᕕᐅᑎᖃᕐᓂᖅ ᑮᓇᐅᔭᓕᐅᕈᑎᖃᕋᓱᐊᕐᑐᑎᒃ ᓂᐅᕕᕐᐸᒃᑐᓄᑦ

ᓴᓇᐅᒐᕐᓂᑦ ᓂᐅᕕᐅᑎᖃᕋᐃᒐᕕᑦ ᑮᓇᐅᔭᓕᐅᕈᑎᖃᕋᓱᐊᕐᑐᓄᑦ ᓲᕐᓗ ᑯᐊᐸᒃᑯᓐᓄᑦ ᐅᕝᕙᓘᓐᓃᑦ ᓂᐅᕕᕐᕕᖕᓄᑦ ᐃᒪᐃᐸᒃᐳᖅ:

1. ᓴᓇᐅᒐᕐᓂᑦ ᓂᐅᕕᐅᑎᖃᕋᐃᒐᕕᑦ ᑮᓇᐅᔭᓕᐅᕈᑎᖃᕋᓱᒃᑐᓄᑦ.  ᐊᑭᓕᕐᑕᐅᖃᑦᑕᓂᐊᕐᐳᑎᑦ ᑮᓇᐅᔭᓕᐅᕈᑎᖃᕋᓱᐊᕐᑐᑦ ᐊᑭᓕᕐᑐᐃᔾᔪᓯᖏᑎᒍᑦ.
2. ᑮᓇᐅᔭᓕᐅᕈᑎᖃᕋᓱᐊᕐᑐᑦ ᓴᓇᐅᒐᕐᓂᒃ ᓂᐅᕕᐅᑎᖃᓕᕐᐸᒃᑐᑎᒃ ᑕᑯᔭᒐᖃᕐᕕᖕᓄᑦ ᐅᕝᕙᓘᓐᓃᑦ ᓂᐅᕕᕐᕕᖕᓄᑦ.  ᐊᑭᓕᕐᑕᐅᓕᕐᐸᒃᑐᑎᒃ ᖁᑦᑎᓂᕐᓴᒥᒃ ᑮᓇᐅᔭᓕᐅᕈᑎᖃᒃᑲᓐᓂᕈᓱᖕᓂᐊᒥᔪᓄᑦ.
3. ᑕᑯᔭᒐᖃᕐᕖᑦ ᐊᒻᒪ ᓂᐅᕕᕐᕖᑦ ᓴᓇᓐᖑᐊᒐᕐᓂᑦ ᓂᐅᕕᐅᑎᖃᕋᓱᓕᕐᒥᓗᑎᒃ ᓴᓇᓐᖑᐊᒐᐅᑉ ᐊᑭᓪᓚᕆᖓᒍᑦ.

ᐊᔪᕐᓇᖏᓐᓂᓴᐅᔾᔪᑎᒋᒻᒪᒍ ᓂᐅᕕᐅᑎᖃᕆᐊᒃᓴᖅ ᑮᓇᐅᔭᓕᐅᕈᑎᖃᕋᓱᐊᕐᑐᑎᒃ ᓂᐅᕕᖃᑦᑕᖅᑐᒥᒃ ᓂᐅᕕᕐᕕᖃᐃᓐᓇᕋᓱᐊᕐᓗᓂ ᑕᒪᒃᑯᓇᓐᖓᑦ ᑕᑯᔭᒐᖃᕐᕕᖕᓂᑦ ᐊᒻᒪ ᓂᐅᕕᕐᕕᖕᓂᑦ ᓄᓇᓯ ᐊᓯᐊᓃᑦᑐᓂᒃ.  ᑮᓇᐅᔭᓕᐅᕈᑎᖃᕋᓱᐊᕐᑐᑎᒃ ᓂᐅᕕᕐᐸᒃᑐᑦ ᑮᓇᐅᔭᓕᐅᕈᒪᑐᐊᓕᕋᐃᒍᕕᑦ ᐱᕕᒋᔪᓐᓇᕋᕕᒋᑦ ᓴᓇᐅᒐᕐᓄᑦ.

ᑭᓯᐊᓂᓕ,ᐊᑐᓂ ᓴᓇᐅᒐᕐᓄᑦ ᑮᓇᐅᔭᓕᐊᑎᑦ ᒥᑭᓂᕐᓴᐅᕙᒃᐳᑦ ᑮᓇᐅᔭᓕᐊᕆᒐᔭᓚᐅᕐᑕᓐᓂᑦ ᓂᐅᕕᐅᑎᒋᓐᓂᕈᕕᐅᒃ ᓂᐅᕕᕈᒪᕙᒃᑐᓄᑦ. ᑮᓇᐅᔭᓕᐅᕈᑎᖃᕋᓱᐊᕐᑐᑎᒃ ᓂᐅᕕᕐᐸᒃᑐᑦ ᐊᑯᓐᓂᖓᓂ ᓂᐅᕕᕐᐸᒃᑐᒡᓗ ᐊᓯᐅᔨᔾᔪᑎᒋᓂᕐᓴᕆᔪᓐᓇᕋᕕᒋᑦ ᑮᓇᐅᔭᓕᐊᕆᒐᔭᓚᐅᕐᑕᓐᓂᒃ.

ᓂᐅᕕᐅᑎᖃᕐᓂᖅ ᐱᑖᕈᒪᒡᓗᑎᒃ ᓂᐅᕕᕐᐸᒃᑐᓄᑦ

ᐊᓯᐊᒍᑦᑕᐅᖅ ᓂᐅᕕᐅᑎᖃᕈᓐᓇᕆᕗᑎᑦ.  ᓴᓇᐅᒐᐃᕈᓐᓇᕆᕗᑎᑦ:

  • ᐃᒻᒥᒃᑰᕐᑐᓄᑦ ᑮᓇᐅᔭᓕᐅᕈᑎᖃᕋᓱᐊᕐᑐᓄᑦ
  • ᑕᑯᔭᒐᖃᕐᕕᖕᓄᑦ ᐅᕝᕙᓘᓐᓃᑦ ᓂᐅᕕᕐᕕᖕᓄᑦ
  • ᓄᓇᖅᑲᑎᓐᓄᑦ
  • ᐳᓚᕋᑦᑎᓄᑦ


ᐱᑖᕈᒪᓪᓚᕆᒃᑐᓄᑦ ᓂᐅᕕᐅᑎᖃᕐᓂᕐᓴᐅᒍᕕᑦ, ᑮᓇᐅᔭᓕᐅᕈᑎᒋᓂᕐᓴᕆᓂᐊᕐᐸᑎᑦ ᐊᑐᓂ ᓴᓇᐅᒐᕐᑎᑦ. ᑭᓯᐊᓂᓕ ᑕᐃᒫᒃ ᐊᒃᑐᕉᑎᒋᓂᕐᓴᕆᓂᐊᕋᕕᐅᒃ ᓂᐅᕕᐅᑎᒋᓇᓱᒃᑕᐃᑦ, ᑭᓯᐊᓂᓕ ᑮᓇᐅᔭᕐᑖᕈᑎᒋᓂᕐᓴᕆᑐᐃᓐᓇᕆᐊᓖᑦ.

ᓂᐅᕕᐅᑎᖃᕐᓂᐊᕈᕕᑦ ᑕᑯᔭᒐᖃᕐᕕᖕᒧᑦ ᐅᕝᕙᓘᓐᓃᑦ ᐊᓯᖏᓐᓄᑦ ᑲᒻᐸᓂᐅᔪᓄᑦ ᐊᓯᖏᓐᓂᑦ ᐊᖅᑯᑎᑲᓐᖏᓪᓗᑎᑦ ᖃᓪᓗᓈᓂ, ᐅᑯᐊ ᐃᓱᒪᒋᔭᕆᐊᖃᕐᓂᐊᕐᐸᑎᑦ:

  • ᓂᐅᕕᐅᑎᖃᕐᓂᐊᕈᕕᑦ ᖃᓪᓗᓈᓃᑦᑐᓄᑦ, ᐊᑭᓖᔭᕆᐊᖃᕐᓂᐊᕐᐳᑎᑦ ᖃᖓᑦᑕᐅᑎᖓᓂᒃ ᐊᒻᒪ ᑲᒪᒋᔭᐅᔾᔪᑎᖓᓂᒃ.
  • ᑕᕝᕙᓴᐃᓐᓇᖅ ᐱᓕᕆᖃᑎᒋᓪᓚᕆᓕᔾᔮᖏᓐᓇᕕᒋᑦ ᑕᑯᔭᒐᖃᕐᕕᒃᑯᑦ.
  • ᓂᐅᕕᕐᑎᒋᕙᓚᐅᕐᑕᑎᑦ ᓄᖅᑲᐅᑎᑦᑕᐅᑎᒋᑦᑕᐃᓕᓗᒋᑦ.

ᖃᓄᐃᓐᖏᑦᑎᐊᕋᓱᖕᓂᖅ ᐊᒻᒪ ᐊᑦᑕᓇᔾᔭᐃᕐᓯᒪᓂᖅ

ᓴᓇᐅᒐᕐᑎ ᐃᓅᓇᓱᐊᕈᑎᖃᐃᓐᓇᕐᓂᐊᕈᓂ ᖃᓄᐃᓐᖏᑦᑎᐊᕆᐊᖃᕐᒪᑦ, ᑕᐃᒫᓪᓕ ᓴᓇᕕᒋᕙᒃᑕᐃᑦ ᐊᑦᑕᓇᔾᔭᐃᕐᓯᒪᔭᕆᐊᖃᕐᐸᑦ.  ᓴᓇᓐᖑᐊᖅᑏᑦ ᐱᓗᐊᕐᑐᒥᒃ ᐃᓱᒫᓘᑎᖃᕆᐊᖃᓪᓚᕆᒃᐳᑦ ᖃᓄᐃᓐᖏᒋᐊᖃᕐᓂᕐᒥᓂᒃ ᐊᒻᒪ ᐊᑦᑕᓇᕐᑐᒦᓐᖏᒋᐊᖃᕐᓂᕐᒥᓂᒃ.  ᐅᐊᔭᒨᕐᑐᑦ ᓴᓇᓐᖑᐊᕈᑎᑦ ᐳᔫᕐᑎᑦᑎᒻᒪᕆᒍᓐᓇᕐᒪᑕ, ᓂᐱᒃᑭᐅᓪᓗᑎᒡᓗ, ᐊᒻᒪ ᐅᔭᕋᑲᓪᓚᖕᓂᒃ ᓇᒧᑐᐃᓐᓇᖅ ᐱᑦᓯᒑᕐᑎᑦᑎᔪᓐᓇᕐᑐᑎᒃ.  ᐊᓂᕐᑎᕆᓗᒋᑦ ᐳᔪᖏᑦ ᓴᓇᓐᖑᐊᒐᒃᓴᐅᑦ ᐋᓐᓂᐊᓕᕈᑕᐅᔪᓐᓇᕐᒪᑕ.  ᓴᓇᓐᖑᐊᒐᒃᓴᐅᑉ ᐳᔪᕐᓗᖓ ᓄᐊᒍᓐᓇᕐᒪᑦ ᐳᕙᖕᓂ ᐊᒻᒪ ᐊᔾᔨᒌᓐᖏᑦᑐᓄᑦ ᐋᓐᓂᐊᕐᑖᕈᑕᐅᔪᓐᓇᕐᑐᓂ, ᓲᕐᓗ ᐳᕙᒃᑯᑦ ᐃᒻᒪᒍᑕᐅᔪᓐᓇᕐᑐᓂ ᐅᕝᕙᓘᓐᓃᑦ ᐳᕙᖕᓂ ᐱᕈᖅᑐᕐᑖᕈᑕᐅᔪᓐᓇᕐᑐᓂ.

ᐊᑦᑕᓇᔾᔭᐃᒃᑯᑕᐅᔪᓐᓇᕐᑐᑦ ᓴᓇᓐᖑᐊᕐᑎᓄᑦ   |   ᐱᕐᓗᐊᕿᔪᖃᕐᓂᕐᐸᑦ ᓇᓪᓕᐅᒃᑯᒫᑦ   |   ᐊᑦᑕᓇᔾᔭᐃᕐᓯᒪᒋᐊᖃᕐᓂᕐᒧᑦ ᐃᓕᓐᓂᐊᕈᑎᑦ

ᓴᖅᑭᔮᕐᑎᑦᑎᓂᖅ ᓴᓇᐅᒐᕆᔭᕐᓂᑦ

ᓄᓇᕐᔪᐊᕐᒥᐅᓄᑦ ᖃᐅᔨᒪᔭᐅᓕᕈᒪᕗᑎᑦ ᐊᒻᒪ ᓴᓇᐅᒐᕐᑎᑦ ᑕᑯᔭᐅᔪᒪᖕᒪᕆᒃᐳᑦ.  ᖃᐅᔨᑎᑦᑕᕆᐊᖃᖅᐸᑎᑦ ᓴᓇᓐᖑᐊᕈᓐᓇᓂᕐᓂᑦ.  ᑕᒡᕙᐅᑯᐊ ᐃᓕᓐᓄᑦ ᐃᑲᔫᑎᖃᕈᓐᓇᕐᑐᑦ ᓯᐊᖕᒪᑎᑦᑎᓇᓱᐊᕐᓂᕐᒧᑦ ᐊᑎᕐᓂᑦ ᐊᒻᒪ ᑕᑯᒃᓴᐅᑎᑦᑎᓇᓱᐊᕐᓂᕐᒧᑦ ᓴᓇᐅᒐᕐᓂᑦ ᓄᓇᕗᓕᒫᒥ ᐊᒻᒪ ᓄᓇᕐᔪᐊᓕᒫᒥ.

ᓴᖅᑭᔮᕐᓂᖅᓴᐅᓕᕐᓗᑎᑦ ᖃᕆᑕᐅᔭᒃᑯᑦ

  • ᑎᑎᖅᑲᖁᑎᑎᑦ ᑭᓇᐅᓂᕐᓄᑦ ᐅᓂᒃᑳᖃᖅᑐᑦ ᐃᓚᓕᐅᑎᓗᒋᑦ ᓴᓇᐅᒐᕐᑎᓄᑦ ᓴᖅᑭᔮᕐᑎᑦᑎᕕᒃᑎᓐᓄᑦ


ᑎᑎᖅᑲᖁᑎᑎᑦ ᑭᓇᐅᓂᕐᓄᑦ ᐅᓂᒃᑳᑦ ᑕᑯᔾᔪᑕᐅᖃᑦᑕᓂᐊᕐᒪᑕ ᓴᓇᐅᒐᕐᓄᑦ ᐊᒻᒪ ᖃᐅᔨᕚᓪᓕᕈᑕᐅᓗᑎᒃ ᑭᓇᐅᖕᒪᖔᕐᐱᑦ, ᓱᖕᒪᓪᓗ ᓴᓇᓐᖑᐊᖃᑦᑕᕐᒪᖔᕐᐱᑦ.  ᓇᓂᔭᐅᓴᕋᐃᒍᑎᒋᓗᒍ ᕿᓂᕐᑐᓄᑦ ᖃᕆᑕᐅᔭᒃᑯᑦ ᐊᒻᒪ ᓴᓇᐅᒐᕐᑎᒡᓗ ᓴᖅᑭᔮᕐᓂᕐᓴᐅᓕᕐᓗᑎᒃ ᑭᒃᑯᓕᒫᓄᑦ ᑕᑯᔭᐅᔪᓐᓇᓕᕐᓗᑎᒃ ᓄᓇᕐᔪᐊᓕᒫᒥ.  ᐃᑲᔫᑎᖃᕐᓂᐊᕆᒡᓗᓂ ᓂᐅᕕᕐᐸᒃᑐᓄᑦ, ᑕᑯᔭᒐᖃᕐᕕᖕᓄᑦ ᐊᒻᒪ ᐊᓯᓐᓄᑦ ᓴᓇᐅᒐᕐᑎᐅᖃᑎᖕᓄᑦ ᐃᓕᓐᓄᓪᓚᕆᑦ ᑐᑭᓯᒋᐊᕈᓐᓇᓕᕈᑕᐅᓗᓂ.
 

ᐅᕘᓇ ᓇᕿᓪᓗᒍ ᓴᖅᑭᔮᓕᕈᑕᐅᓂᐊᕐᑐᒃᑯᑦ ᓴᓇᐅᒐᕐᑎᐅᓂᕐᓄᑦ ᑭᓇᐅᓂᕐᓄᑦ ᑎᑎᖅᑲᖁᑎᓐᓄᑦ.
   
ᑭᐅᔾᔪᑕᐅᔪᓐᓇᕐᑐᑦ ᓴᓇᐅᒐᕐᑎᑦ ᑐᑭᓯᒋᐊᕐᕕᐅᔪᒪᒃᐸᑕ

  • ᑭᐅᕕᐅᔪᓐᓇᕐᑐᖅ ᓴᓇᐅᒐᕐᑎᓄᑦ ᓄᓇᕗᖕᒥ ᓴᓇᐅᒐᕐᑏᑦ ᓴᖅᑭᔮᕐᑎᑦᑎᕕᖓᒍᑦ ᖃᕆᑕᐅᔭᒃᑯᑦ
    ᓄᑖᓂᒃ ᓴᖅᑭᕐᑐᖃᑉᐸᓪᓕᐊᖏᓐᓇᕐᑐᖅ ᐊᑐᖅᑕᐅᔪᓐᓇᕐᑐᓂᒃ ᖃᕆᑕᐅᔭᒃᑯᑦ ᓴᓇᐅᒐᕐᑎᓄᑦ ᓴᖅᑭᔮᕐᑎᑦᑎᕕᒃᑎᒍᑦ. ᓴᓇᐅᒐᕐᓄᑦ ᓴᖅᑭᔮᕈᑕᐅᒃᑲᓐᓂᑦᑎᐊᕈᓐᓇᕐᒪᑦ ᑕᒡᕘᓇ.


ᓄᑖᓂᒃ ᐊᑐᕈᓐᓇᕐᑕᓐᓂᒃ ᓇᓂᓯᔾᔪᑎᒋᔪᓐᓇᕋᕕᐅᒃ ᐱᖓᓱᐃᓕᖅᑲᖓᔪᒃᑯᑦ:

  1. ᐃᖅᑲᓇᐃᔮᒃᓴᓄᑦ ᓴᖅᑭᔮᕐᕕᒃ
    ᐃᖅᑲᓇᐃᔮᒃᓴᓄᑦ ᓴᖅᑭᔮᕐᑎᒃᑎᕕᕗᑦ ᑕᑯᓂᐊᕐᓴᕋᐃᖃᑦᑕᕐᓗᒍ, ᐱᑕᖃᑐᐊᓕᕋᐃᖕᒪᑦ ᓄᑖᓂᒃ ᐃᓕᓯᖃᑦᑕᕋᒃᑕ.  ᐅᓇ ᓇᕿᒡᓗᒍ ᑕᑯᒋᐊᕈᒪᒍᕕᑦ ᐃᖅᑲᓇᐃᔮᒃᓴᓄᑦ ᓴᖅᑭᔮᕐᑎᑦᑎᕕᖕᒥᒃ.
  2. ᐅᖃᓕᒫᒐᑯᓗᐃᑦ ᑐᓴᕋᒃᓴᑦ
    ᑕᖅᑭᑕᒫᑦ, ᑐᔪᐃᕙᒃᐳᒍᑦ ᖃᕆᑕᐅᔭᒃᑯᑦ ᑎᑎᕋᕐᕕᒃᑯᑦ ᓴᓇᐅᒐᕐᓂᕐᒧᑦ ᑐᓴᕋᒃᓴᓂᒃ ᐊᒻᒪ ᐊᑐᐃᓐᓇᕈᕐᑐᖃᖅᑐᒥᓂᐅᒃᐸᑦ ᐱᓇᓱᐊᕐᑕᐅᔪᓐᓇᕐᑐᓂᒃ.  ᑐᒃᓯᕋᐅᑎᓕᐅᕈᓐᓇᖁᑎᑦ ᑐᔪᕐᑕᐅᖃᑦᑕᕈᒪᒍᕕᑦ ᑐᓴᕋᒃᓴᓂᒃ ᑕᑯᓂᐊᕈᓐᓇᕐᓯᕙᓐᖏᒃᑲᓗᐊᕈᕕᒋᑦ. ᐅᓇ ᓇᕿᓪᓗᒍ ᑐᔪᕐᑕᐅᖃᑦᑕᕈᒪᒍᕕᑦ ᑐᓴᕋᒃᓴᓂᒃ.
  3. ᑭᒃᑯᑐᐃᓐᓇᕐᓄᑦ ᑎᑎᕋᕐᕕᐅᕙᒃᑐᒃᑯᑦ
    ᖃᕆᑕᐅᔭᒃᑯᑦ ᑭᒃᑯᑐᐃᓐᓇᕐᓄᑦ ᑎᑎᕋᕐᕕᒋᔭᐅᔪᓐᓇᑐᒃᑯᑦ (Facebook ᐊᒻᒪ Twitter). ᑐᓴᖅᑎᑕᐅᑐᐃᓐᓇᖏᓪᓗᑎᑦ ᐊᑐᐃᓐᓇᐅᑎᑕᖏᑕ ᓄᓇᕗᖕᒥ ᓴᓇᐅᒐᕐᑎᑦ ᑲᑐᔾᔨᖃᑎᒌᖏᓐᓄᑦ, ᑭᓯᐊᓂᓕᒃᑕᐅᖅ ᑭᒃᑯᑐᐃᓐᓇᐃᑦ ᓴᓇᐅᒐᕐᑖᕈᒪᕙᒃᑐᑦ ᐊᒻᒪ ᑲᑐᔾᔨᖃᑎᒌᒐᓚᐃᑦ ᑎᑎᕋᖃᑦᑕᕈᓐᓇᒥᖕᒪᑕ ᓴᖅᑭᔮᕐᑎᑦᑎᕕᒃᑎᒍᑦ ᖃᕆᑕᐅᔭᒃᑯᑦ.
  • ᐊᑭᑦᑐᕋᐅᑎᖃᑕᐅᖃᑦᑕᕐᓂᖅ ᓴᓇᐅᒐᕐᓄᑦ


ᐊᑭᑦᑐᕋᐅᑎᖃᑕᐅᓇᓱᒃᐸᒡᓗᑎᑦ ᐊᑐᐃᓐᓇᐅᑐᐊᓕᕋᐃᒃᐸᑕ. ᐊᑭᑦᑐᕋᐅᑎᓂᒃᑯᑦ ᓴᖅᑭᔮᓕᒃᑲᓐᓂᕈᓐᓇᕋᕕᑦ ᐊᒻᒪ ᖃᐅᔨᒪᔭᐅᓕᒃᑲᓐᓂᕈᓐᓇᕐᑐᑎᑦ ᓴᓇᐅᒐᕐᑎᐅᓂᕐᓄᑦ.  ᖃᐅᔨᒪᓕᕈᑎᒋᒃᑲᓐᓂᕈᓐᓇᕋᕕᐅᒃ ᓂᐅᕕᖃᑦᑕᖅᑐᓄᑦ ᐊᒻᒪ ᐊᓯᓐᓄᑦ ᓴᓇᐅᒐᕐᑎᐅᖃᑎᓐᓄᑦ, ᐃᓕᓐᓄᑦ ᐃᑲᔫᑎᖃᕈᓐᓇᕐᒥᔪᓄᑦ ᓇᓂᑐᐃᓐᓇᖅ ᓂᐅᕕᖃᑦᑕᖅᑎᐅᔪᓄᑦ.

ᐅᓇ ᓇᕿᓪᓗᒍ ᐱᓇᓱᐊᕐᓂᐊᕈᕕᑦ ᓄᓇᕗᖕᒥ ᓴᓇᐅᒐᕐᑏᑦ ᓴᖅᑭᔮᕐᑎᑦᑎᓂᖃᖅᑎᒡᓗᒋᑦ
ᐅᓇ ᓇᕿᓪᓗᒍ ᑐᑭᓯᒋᐊᕈᒪᒍᕕᑦ ᐊᓯᖏᓐᓂᒃ ᐊᑭᑦᑐᕋᐅᑎᓂᐅᔪᑦ, ᓴᖅᑭᔮᕐᑎᑦᑎᓂᖃᖅᑐᑦ ᐊᒻᒪ     ᖃᓄᐃᓕᐅᕈᑕᐅᔪᓄᑦ ᐃᓚᐅᔪᓐᓇᕐᕕᒋᔭᕐᓄᑦ.
ᐅᓇ ᓇᑭᓪᓗᒍ ᑐᑭᓯᒋᐊᕈᒪᒍᕕᑦ ᐃᖏᕐᕋᔾᔪᑎᓄᑦ ᐃᑲᔫᑕᐅᕙᒃᑐᓄᑦ

  • ᐃᓚᐅᓂᖅ ᓴᓇᐅᒐᕐᓂᒃ ᓴᖅᑭᔮᕐᑎᑦᑎᑎᒡᓗᒋᑦ


ᓴᓇᐅᒐᕐᓂᒃᓴᖅᑭᔮᖅᑎᑦᑎᓂᐅᔪᓂ ᐃᓄᒋᐊᓲᖑᒻᒪᑕ ᓴᓇᐅᒐᖅᑖᕈᒪᔪᑦ.  ᖃᓪᓗᓈᑦ ᓄᓇᖓᓐᓂ, ᐅᓄᕐᑐᖕᒪᕆᐊᓘᓲᖑᒻᒪᑕ ᑕᐅᓴᖏᓐᓃᑦᑐᑦ ᓴᓇᐅᒐᕐᓂᑦ ᓂᐅᕕᐊᒃᓴᖃᕐᕕᐅᔪᓂ − ᐊᒡᓛᒃ, ᕚᔅᑕᓐᒥ ᓴᓇᐅᒐᕐᓂᒃ ᑕᑯᒃᓴᐅᑎᑦᑎᔪᖃᖅᑎᒡᓗᒍ ᐅᐸᒃᑐᑦ ᐅᓄᕐᓂᖃᓲᑦ 100,000 ᒥᒃᓵᓂ.  ᑭᓯᐊᓂᓕ ᖃᓪᓗᓈᑎᑑᕈᓐᓇᕐᑐᒥᒃ ᐊᐃᑉᐸᖃᕆᐊᖃᕋᔭᕐᑐᑎᑦ, ᐅᖃᓕᒪᔪᓐᓇᑎᐊᕐᑐᒋᓐᖏᒃᑯᕕᑦ ᖃᓪᓗᓈᑎᑐᑦ ᐅᖃᕈᓐᓇᕐᑐᒥᒃ ᓇᒃᓴᕆᐊᖃᕋᔭᕐᐳᑎᑦ.

ᐅᓇ ᓇᕿᓪᓗᒍ ᑐᑭᓯᒋᐊᕈᒪᒍᕕᑦ ᓴᓇᐅᒐᕐᓂᒃᓴᖅᑭᔮᕐᑎᑦᑎᓂᐅᕙᒃᑐᑦ ᒥᒃᓵᓄᑦ ᓄᓇᕐᔪᐊᕐᒥ.
ᐅᓇ ᓇᕿᓪᓗᒍ ᑐᑭᓯᒋᐊᕈᒪᒍᕕᑦ ᐃᖏᕐᕋᔾᔪᑎᓄᑦ ᐃᑲᔫᑕᐅᕙᒃᑐᑦᒥᒃᓵᓄᑦ.


ᑲᑦᑑᑎᖃᑎᖃᖃᑦᑕᕐᓗᑎᑦ


  • ᖃᕆᑕᐅᔭᒃᑯᑦ ᐅᖃᓕᒪᖃᑕᐅᖃᑦᑕᕐᓗᑎᑦ

    ᖃᕆᑕᐅᔭᒃᑯᑦ ᐅᖓᓯᒃᑐᒨᖓᔾᔪᑦ ᑲᑎᒍᑕᐅᑦᑎᐊᕈᓐᓇᕐᒪᑦ ᓇᓂᑐᐃᓐᓈᕐᑐᓄᑦ ᓄᓇᕐᔪᐊᕐᒥᐅᓄᑦ.  ᐅᖃᐅᓯᕆᔭᑎᑦ ᓯᕗᓂᒃᑎᓐᓂ ᓂᐅᕕᓕᕈᑕᐅᔪᓐᓇᕐᒪᑕ ᓴᓇᐅᒐᕐᓄᑦ.

 

  • ᑕᑯᔭᒐᖃᕐᕕᖕᒥᐅᓂᒃ ᐅᖃᖃᑎᖃᖃᑦᑕᕐᓗᑎᑦ

    ᑕᑯᔭᒐᖃᕐᕕᖕᒥᐅᑦ ᐅᖃᐅᑎᖃᑦᑕᕐᓗᒋᑦ ᓴᓇᐅᒐᕐᐱᑦ ᒥᒃᓵᓄᑦ ᓂᐅᕕᕈᒪᓕᕐᑎᓐᓇᓱᐊᕐᓗᒋ ᐃᓕᓐᓂᑦ.  ᓂᐅᕕᐅᑎᖃᕋᐃᒐᕕᑦ ᑕᑯᔭᒐᖃᕐᕕᖕᒧᑦ ᑮᓇᐅᔭᓕᐅᕐᓂᕐᓴᐅᒍᓐᓇᕋᕕᑦ ᐊᖅᑯᑎᖃᓐᖏᓪᓗᑎᑦ ᓂᐅᕕᕐᑎᐅᕙᒃᑐᒥᒃ, ᐊᑐᓂ ᓴᓇᐅᒐᕐᓄᑦ.

    ᑕᐃᒫᑦ ᐊᑦᑕᕐᓇᕐᓂᕐᓴᐅᒐᓗᐊᖅ ᐊᒻᒪ ᐊᒃᓱᕈᕐᓇᓂᕐᓴᐅᒡᓗᓂ ᐊᖅᑯᑎᖃᓐᖏᓪᓗᓂ ᓂᐅᕕᕐᑎᐅᕙᒃᑐᒥᒃ, ᑕᐃᒫᒃ ᐱᓇᓱᓚᐅᓐᖏᓂᕐᓂ: ᓇᕿᓪᓗᒍ ᐃᓕᑉᐹᓪᓕᕈᑎᒋᔪᓐᓇᕐᑕᐃᑦ ᖃᓄᖅ ᐊᑭᓕᕐᑐᐃᔭᕆᐊᖃᕐᓂᕐᒧᑦ. ᓇᑭᓪᓗᒍ ᑐᑭᓯᒋᐊᕈᑎᒃᓴᖅ ᖃᓄᐃᓕᖓᖕᒪᖔᑕ ᒪᓕᒐᐃᑦ ᐃᔾᔪᐊᕐᓯᕙᒃᑐᓄᑦ ᓴᓇᐅᒐᕐᓂᒃ.

 

  • ᖃᐅᔨᒋᐊᕐᕕᒋᓗᒋᑦ ᓄᓇᕗᖕᒥ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐᑯᑦ

    ᓄᓇᕗᖕᒥ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐᑯᑦ (NDC) ᒐᕙᒪᒃᑯᓐᓄᑦ ᐱᓕᕆᕝᕕᒋᔭᐅᖕᒪᑕ ᓂᐅᕕᐅᑎᖃᕐᐸᒃᑐᑦ $1.8−ᒥᓕᐊᓂᒃ ᓄᓇᕗᖕᒥ ᓴᓇᔭᕕᓂᕐᓄᑦ ᐊᕐᕌᒍᑕᒫᑦ.  ᐃᑲᔪᕐᑕᐅᔪᒪᕕᒋᓗᒋᑦ ᓴᖅᑭᔮᕐᑎᑕᐅᔪᓐᓇᖁᓪᓗᒋᑦ ᐊᒻᒪ ᖃᓄᖅ ᓂᐅᕕᐊᖑᔪᓐᓇᓂᕐᓴᐅᖕᒪᖔᑕ ᓴᓇᐅᒐᕐᑎᑦ.


ᓄᓇᕗᖕᒥ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐᑯᑦ:
ᖃᕆᑕᐅᔭᒃᑯᑦ ᓴᖅᑭᔮᕐᑎᑦᑎᕕᖓᑦ: http://ndcorp.nu.ca
ᐅᖄᓚᐅᑎᖓ: 1-866-645-3170
ᖃᕆᑕᐅᔭᒃᑯᑦ ᑐᕌᕈᑎᖓ: This email address is being protected from spambots. You need JavaScript enabled to view it.


Subcategories

Tips to stay Healthy and safe while creating your masterpiece.

ᐱᑕᖃᕐᒪᑦ ᑮᓇᐅᔭᑎᒍᑦ ᐃᑲᔫᑎᒃᓴᓂᒃ ᓴᓇᐅᒐᕐᑎᓄᑦ ᓄᓇᕗᖕᒥ.

ᑕᑯᓇᓚᐅᕐᓗᒋᑦ ᐊᒻᒪ ᐊᑎᓕᐅᕐᓗᑎᑦ ᐃᓕᓐᓂᐊᑲᓐᓂᕈᒪᓂᕐᒧᑦ ᐊᒻᒪ ᓴᓇᑦᑎᐊᕈᓐᓇᓯᒃᑲᓂᕐᓂᐊᕋᕕᑦ.

Menu