Nunavut Arts & Crafts Association

Since its foundation in 1998, the Nunavut Arts and Crafts Association (NACA) has worked to benefit Nunavut artists.
NACA is a non-profit incorporated society that supports and promotes the development and growth of Nunavut's arts and
crafts community through advocacy, communications, artist development, education and marketing.

We are in the midst of redesigning our website to improve usability for our visitors. In the meantime, to learn more about the art
and artists of Nunavut, follow us on Facebook, Twitter and Instagram or sign up for our e-mail newsletter below!






ᐊ: ᖃᑦᑎᐅᒻᒪᑕ ᓴᓇᙳᐊᓲᑦ ᓄᓇᕗᒻᒥ?

ᑭ: ᓇᓚᐅᑦᑖᖅᑕᐅᓯᒪᕗᖅ 3000ᖑᒋᐊᖏᓐᓂᒃ ᓴᓇᙳᐊᓲᑦ ᓄᓇᕗᒻᒥ ᐃᓄᓕᒫᖏᑦ 28,000ᖑᓗᐊᒐᓛᒻᒪᑕ.    
  ᐊᑕᖏᐸᓗᑦᑐᑎᒃ ᓴᓇᙳᐊᖅᑎᐅᕗᑦ ᐅᔭᕋᓐᓂᒃ.

ᐊ: ᓴᓇᙳᐊᑐᓕᕆᖅ ᐊᒻᒪᓗ ᓴᓇᕈᓘᔭᕐᓂᖅ ᐱᒻᒪᕆᐅᕚ ᓄᓇᕗᒻᒥ ᑮᓇᐅᔭᓕᐅᕋᓱᓐᓂᖓ ᐱᓪᓗᒍ?

ᑭ: ᐄ, ᓇᓗᓇᐃᓪᓚᕆᓪᓗᒍ ᐱᒡᒐᓇᖅᑑᒐᓗᐊᖅ, ᐅᐱᓐᓇᕋᓂ ᐃᓚᖏᑦ ᓴᓇᙳᐊᖅᑏᑦ ᓇᒻᒥᓂᖅ ᓂᐅᕐᕈᑎᖃᓲᖑᒻᒪᑕ.

ᐊ: ᖃᑦᑎᐅᒻᒪᑕ ᓴᓇᙳᐊᕐᓂᒻᒧᑦ ᐃᓕᓐᓂᐊᕖᑦ ᓄᓇᕗᒻᒥ?

ᑭ:  ᐱᑕᖃᖏᑦᑐᖅ.  ᑭᓯᐊᓂ ᓄᓇᕗᑦ ᓯᓚᑦᑐᖅᓴᕕᖓᓇᒥᓴᖑᑲᒥᑎ ᒍᑭᖃᑎᓂᖃ ᕋᓕᓗᓗᕿᑐᕿ , ᓯᓚᑦᑐᖅᓴᕕᑑᓪᓗᓂ ᓄᓇᕗᒻᒥ, ᓴᓇᒋᐅᖅᓴᓂᒻᒥᑦ ᐱᑕᖃᓚᐅᓲᖑᕗᖅ, ᐱᖃᓯᐅᑎᓪᓗᒋᑦ ᐃᕕᐅᔭᓕᐅᕐᓂᖅ ᐱᖓᓱᓂᒃ ᐊᖅᑳᒍᓂᒃ ᐃᓕᓐᓂᐊᕋᓴᒧᑦ ᑕᑯᒥᓇᖅᓴᐅᑎᓂᒃ.  ᓇᒻᒥᓂᖅ ᓯᓚᑦᑐᖅᓴ}ᕕᒃ ᖃᐅᔨᒋᐊᖅᕕᒋᔪᓐᓇᖅᑕᐃᑦ ᑐᑭᓯᒋᐊᕈᒪᓗᓂ ᒫᓐᓇ ᐊᑐᐃᓐᓇᐅᑎᑕᓂᒃ ᓄᓇᓕᓐᓂ. 

ᐊ: ᖃᑦᑎᐅᒻᒪᑕ ᓄᓇᕗᒻᒥ ᐃᓄᖏᑦ ᓴᓇᙳᐊᕐᓂᒻᒧᑦ ᐃᓪᓕᓐᓂᐊᓯᒪᓇᑎᑦ ᐃᓕᓐᓂᐊᒃᑯᑦ ᓴᓇᙳᐊᖅᑎᕈᓲᖑᕙᑦ?

ᑭ: ᖃᐅᔨᒪᓂᖅ ᑐᓂᔭᐅᕙᓪᓕᐊᓲᖑᕗᖅ ᕿᑐᕐᖓᒻᒥᓐᓄᑦ ᐃᓐᓇᑐᖃᕐᓄᑦ.
ᐊᖑᓇᓱᑦᑎᐅᓂᖅ ᐃᑲᔫᑎᒋᕗᖅ ᓴᓇᙳᐊᖅᑎᑦᑎᐊᕙᐅᓂᕐᒧᑦ.  ᐃᓄᐃᑦ ᓄᓇᒥᓐᓄᑦ ᖃᓂᑦᑑᒻᒪᑕ ᐆᒪᔪᖏᓐᓄᓪᓗ.  ᓄᓇᓕᐅᓕᖅᑐᓄᑦ ᑲᑎᓪᓚᑦᑖᓚᖅᑎᑕᐅᓚᐅᕋᑎᒃ ᒐᕙᒪᑐᖃᒃᑯᓐᓄᑦ 1950ᖏᓐᓂ ᐃᓄᐃᑦ ᐃᓅᕙᓚᐅᖅᑯᑦ ᓇᕈᓪᓗᑎᒃ ᓄᓇᒥ ᐆᒪᔪᕋᓱᑦᑕᒥᓐᓂᒃ ᒪᓕᑦᑐᑎᒃ.  ᕆᒥᕐᕈᓇᑦᑎᐊᒃᑲᐅᓂᖏᑦ ᐊᖑᓇᓱᑦᑏᑦ ᓄᓇᒥᓐᓂᓪᓗ ᖃᐅᔨᒪᑦᑎᐊᕐᓂᖓ ᐊᑐᖅᑐᒍ ᓴᓇᙳᐊᑦᑎᐊᒃᑲᐅᕗᑦ ᐆᒪᔪᙳᐊᓂᒃ ᐊᕙᑎᒥᓃᑦᑐᓂᓪᓗ. ᐳᓂᒃᑲᐅᓯᑐᖃᐃᑦ ᐅᓂᑳᖅᑐᐊᕈᑕᐅᕙᓚᐅᖅᑐᑦ ᓯᕗᓕᑦᑎᓐᓄᑦ ᑕᑯᓐᓈᙳᐊᕈᓐᓇᓯᑎᑦᑎᑦᑎᐊᖅᓯᒪᒻᒪᑕ, ᐊᒻᒪᓗ ᓴᖅᑭᑎᐅᑦᑎᐊᓪᓚᕆᑉᐸᒃᑭᕗᑦ ᓄᓇᕗᒻᒥᐅᑦ ᓴᓇᙳᐊᒐᖏᒍᑦ.

ᐊ: ᖃᓄᐃᑦᑑᒻᒪᑕ ᒪᒃᑯᐊ ᐊᖐᔫᑎᓄᑦ ᐅᔭᕋᓐᓄᑦ ᓴᓇᓯᒪᔪᑦ ᓴᖅᑭᔮᒐᓚᑉᐸᑦᑐᑦ ᐃᓄᐃᑦ ᓴᓇᐅᒐᖏᑦ?

ᑭ:  ᑕᒪᒃᑯᐊ ᐃᓄᒃᓱᓐᓂᒃ ᑕᐃᔭᑦ, ᐅᔭᕋᐃᑦ ᖃᓕᕇᓕᖅᑎᓯᒪᔪᑦ ᐃᓄᙳᐊᓕᐊᕆᔭᐅᒐᔪᓲᑦ.  ᓇᓗᓇᐃᒃᑯᑕᐃᑦ
   ᓇᒥᑐᐃᓐᓇᖅ ᓄᓇᕗᒻᒥ ᐊᑐᐊᒐᔅᓴᓕᐊᕆᓯᒪᕗᑦ ᐅᑭᐅᖅᑕᖅᑑᑉ ᓄᓇᖓᓂ.  ᐃᓚᖏᑦ ᓇᓗᓇᐃᒃᑯᑕᓕᐊᕆᔭᐅᓯᒪᕗᑦ
   ᐃᓄᐃᑦ ᓇᐅᒃᑯᑦ ᐃᖏᕐᕋᓐᓂᒻᒪᖔᑕ ᑕᒫᓂ ᓇᐹᖅᑐᖃᖏᑦᑐᒥ ᓄᓇᑐᐃᓐᓇᕐᒥ.  ᐊᓯᐊᒍᑦᑕᐅᖅ ᐃᓅᙱᑦᑐᓄᑦ
   ᐊᑑᑎᖃᕆᕗᑦ.

ᖃᐅᔨᒪᔭᐅᓗᐊᖏᒻᒥᔪᖅ ᐊᒥᐊᕐᓂᖅ ᓄᓇᕗᒻᒥ ᓯᕗᓂᑦᑎᓐᓄᑦ ᐊᑐᖅᑕᐅᓪᓚᕆᔅᓯᒪᒻᒪᖔᑦ, ᑭᓯᐊᓂ ᖃᓪᓗᓈᑦ ᓄᐊᑦᑎᓯᒪᐅᖅᑐᖃᓂᕐᒥᔪᑦ ᑎᑎᖅᑐᒐᑐᖃᕐᓂᒃ 1800ᖏᓐᓂ 1900ᖏᓐᓄ ᓄᐊᑦᑕᒥᓐᓂᕐᓂᒃ ᐃᓄᓐᓄᑦ ᓴᓇᐅᒐᕐᓂᒃ.

ᐊᒥᐊᕐᓂᖅ ᑲᔪᓯᓂᐊᑦᑎᐊᕐᓂᕆᕗᖅ ᓴᓇᔪᓐᓇᕐᓂᖏᓐᓄᑦ ᐃᓕᖅᑯᓯᑐᖃᒃᑯᑦ ᐊᒻᒪᓗ ᑕᑯᓐᓇᙳᐊᕐᓂᒃᑯᑦ ᐊᒡᒐᓐᓄᓪᓗ ᐱᓕᕆᔪᓐᓚᕐᓂᒻᒧᑦ, ᑎᑎᖅᑐᒐᕐᓂᓪᓗ ᓴᖅᑭᖅᑕᐅᓂᖓ 1960ᖏᓐᓂ.  ᐅᓪᓗᒥ ᐊᓐᓛᒃ ᐱᒋᐊᕈᑕᐅᒐᔪᓲᖑᕗᖅ ᑎᑎᖅᑐᒐᕐᓂᖅ ᐸᐃᑉᐹᒧᑦ ᑎᑎᖅᑐᒐᓕᐊᕆᔭᐅᑦᑕᓕᖅᑯᑦ, ᑕ}ᕙ ᐸᐃᑉᐹᒧᑦ ᐱᔭᕇᕐᓂᖓ ᑐᑭᓯᓇᑦᑎᐊᖅᑯᖅ.

ᐊᒥᐊᕐᓂᖅ, ᒪᕐᕋᐅᔮᖅᑐᓕᐊᕐᓂᓪᓗ, ᐱᕚᓪᓕᖅᓯᒪᖏᓛᖑᒐᓗᐊᖅᑐᑎᒃ ᓄᓇᕗᒻᒥ ᓴᓇᔭᐅᕙᑦᑐᑯᓗᓐᓂᒃ ᐱᕚᓪᓕᕐᕕᔅᓴᖃᒻᒪᕆᒃᑭᕘᒃ.

ᐃᓄᐃᑦ ᓴᓇᖃᑦᑕᖅᓯᒪᕗᑦᑕᐅᖅ ᒥᑭᔫᑎᑯᓗᓐᓂᒃ, ᑕᑯᒥᓇᖅᓴᐅᑎᑐᐃᓐᓇᕐᓂᒃ ᑑᖔᒥᓂᕐᓂᒃ ᓴᓇᓯᒪᔪᓂᒃ ᐊᒻᒪᓗ ᓴᐅᓂᒥᓂᕐᓂᒃ ᐊᕐᕌᒍᒐᓴᓐᓂᒃ.  ᐊᕐᓇᐃᑦ ᓄᔭᕐᒥᓐᓂᒃ ᐱᕐᕋᖃᓯᐅᔾᔨᕙᓐᓂᖅᑯᑦ ᕿᔪᑯᑖᕐᓂᒃ - ᐊᒻᒪᓗ ᓴᕕᕋᔭᓐᓂᒃ ᐅᐊᓴᔅᓴᓂᒃ ᐅ}ᕙᓘᓐᓃᑦ ᐃᖃᖅᑎᒐᔭᒻᒥᒃ ᖃᐅᕐᒥᒍᑦ ᓴᓇᓯᒪᔪᓂᒃ ᐆᒪᔪᐃᑦ ᑭᒍᑎᖏᓐᓂᒃ ᐊᓪᓚᖃᖅᑐᑎᒃ.  ᐅᔭᒦᓪᓗ ᐊᑐᖅᑕᐅᕙᓐᓂᕐᒥᔪᐃᑦ ᐱᐅᙱᑦᑐᓂᒃ ᕿᒫᑎᑦᑎᔾᔪᑕᐅᓪᓗᑎᒃ ᐊᒻᒪᓘᓐᓃᑦ ᐱᒃᑲᐅᔾᔪᑕᐅᓇᓱᑦᑐᑎᒃ.

ᒪᓇᐅᓂᖅᓴᐅᓕᖅᑐᓪᓕ, ᓄᓇᕗᒻᒥ ᓴᓇᙳᐊᖅᑏᑦ ᓴᓇᕙᓕᕆᕗᑦ ᐊᔾᔨᒌᖏᒻᒪᕆᑦᑐᓂᒃ ᐊᑐᖅᑐᑎᒃ ᐊᓪᓛᑦ ᓯᐅᓪᕗᕆᒥᒃ.  ᓴᓇᖃᑦᑕᕐᓂᖅ ᑕᑯᒥᓇᖅᓴᐅᑎᓂᒃ ᖁ}ᕙᕐᕆᐊᒻᒪᕆᔅᓯᒪᕗᖅ ᐃᓄᓕᕆᔨᑐᖃᒃᑯᑦ ᓴᓇᓕᐅᑎᑎᑦᑎᓚᐅᖅᑎᓪᓗᒋᑦ 1976ᒥ ᐅᖃᐅᓯᖅᑕᖃᖅᑐᒍ "ᑭᓱᑐᐃᓐᓇᐃᑦ ᐅᕙᓐᓂᒃ ᐱᐅᓯᑎᑦᑎᓲᑦ". ᕿᓚᒥᑯᓗᒃ ᑕᑯᒥᓇᖅᓴᐅᑎᓂᒃ ᓴᓇᒋᐅᖅᓴᑎᑦᑎᓂᖅ ᐃᖃᓗᓐᓂ ᑭᙵᕐᓂᓗ ᓯᓚᑦᑐᖅᓴᕐᕕᒃᑯᑦ ᓴᖀᓚᐅᖅᓯᒪᕗᖅ ᐱᒋᐊᖅᑐᑎᒃ 1990ᖏᓐᓂ, ᐊᒻᒪᓗ ᐊᓯᖏᓐᓄᑦ ᓄᓇᓕᓐᓄᑦ ᓴᖅᑭᖅᑕᐅᓯᒪᒋᕗᖅ ᑕᐃᒪᖓᓂᑦ.

ᓯᐅᒻᒥᐅᑕᐃᑦ, ᑲᑭᖅᑯᐊᑦ ᐊᒻᒪᓗ ᑕᓕᐊᙳᐊᑦ ᐱᒋᐊᕈᑕᐅᓪᓗᑎᒃ ᒪᓕᒐᓕᐅᖅᑏᑦ ᑲᑎᒪᕕᕐᔪᐊᖓᓂ ᐊᓇᐅᑕᖅ ᓴᓇᓯᒪᔪᖅ ᓯᐅᓪᕗᕿᒥᒃ ᓴᓇᙳᐊᒐᖅᒧᑦ, ᓄᓇᕗᒻᒥ ᑕᑯᒥᓇᖅᓴᐅᑎᓕᐅᕐᓂᒻᒥ ᓴᓇᕙᑦᑐᐃᑦ ᐃᒻᒥᓂᒃ ᖃᑭᑎᑉᐸᓪᓕᐊᕗᑦ ᐃᓄᐃᑦ ᓴᓇᔭᒥᓂᖏᑦ ᓴᕿᔮᖅᑎᓪᓗᒋᑦ ᓄᓇᕐᔪᐊᕐᒧᑦ.

ᑲᖏᖅᓯᓂᕐᒥ ᓴᕕᕋᔭᔅᓴᓂᒃ ᐅᔭᕋᓐᓂᐊᕐᕕᒃ, ᑕᓐᓇ ᓄᓇᓕᕈᕈᑕᐅᓪᓚᕆᔅᓯᒪᔪᖅ ᑲᖏᖅᓯᓂᒻᒥ,  ᒪᑐᔭᐅᒻᒪᑦ 1962ᒥ, ᒐᕙᒪᑐᖃᒃᑯᑦ ᑲᔪᖏᖅᓴᐃᓕᓚᐅᖅᐳᑦ ᐃᓄᖏᓐᓂᒃ ᐊᓯᖏᓐᓂᒃ ᑮᓇᐅᔭᓕᐊᕈᑎᔅᓴᖅᓯᐅᖁᓪᓗᒋᑦ.  ᒐᕙᒪᑐᖃᒃᑯᑦ ᐃᑲᔪᖅᑎᒋᓪᓗᒋᑦ ᓴᓇᙳᐊᖅᑏᑦ ᐊᒻᒪᓗ ᓴᓇᕈᓘᔭᖅᑏᑦ ᐱᔨᑦᑎᕋᖅᑎᖓ, ᓴᓇᔭᕆᐅᖅᓴᓚᐅᖅᓯᒪᕗᑦ ᓴᓇᙳᐊᕐᓂᒻᒥᒃ, ᒥᖅᓱᓂᕐᒥᒃ ᐊᒻᒪᓗ ᒪᕐᕋᐅᔮᖅᑐᒥᒃ ᓴᓇᓂᕐᒥᒃ.

1966ᖑᓕᖅᑎᓪᓗᒍ, ᑲᖏᖅᓯᓂᕐᒥᐅᑦ ᓴᓇᓯᒪᓕᓚᐅᖅᐳᑦ ᐊᒥᓱᒻᒪᕆᓐᓂᒃ ᐊᒻᒪᓗ ᓄᑖᓂᒃ ᓴᓇᔾᔪᓯᕐᓂᒃ ᐊᑐᖅᑐᑎᒃ ᐃᓕᖅᑯᓯᑐᖃᕐᓂᒃ ᑕᐅᕐᑐᖃᖅᑎᒋᐊᖅᑐᒋᑦ.  ᑭᓯᐊᓂᓕ ᓂᐅᕐᕈᑎᖃᕈᓐᓇᕐᓂᖅ ᐱᒋᐊᓪᓚᕆᓚᐅᖅᓯᒪᕗᖅ ᒫᔅᓯ 1967ᖑᓕᕐᖓᒃᑭᓯᐊᓂ, ᑕᑯᔅᓴᐅᑎᑕᐅᒻᒪᕆᑦᑐᓂ ᑐᕌᓐᑐᒥ ᕿᒥᕐᕈ/ᕐᔪᐊᒻᒥ }ᑕᒃᑯᐊ ᒪᕐᕋᐅᔮᖅᑐᒥᒃ ᓴᓇᓯᒪᔪᑦ ᓴᖅᑭᔮᖅᑎᑕᐅᓕᕐᖓᑕ ᐱᐅᒋᔭᐅᒻᒪᕆᓚᐅᖅᑐᑦ.

ᐱᐅᒋᔭᐅᒻᒪᕆᒃᑲᓗᐊᖅᑐᑎᒃ, ᑭᓯᐊᓂᓕ ᑮᓇᐅᔭᓕᐊᕈᑕᐅᔪᓐᓇᑦᑎᐊᓚᐅᖏᓚᑦ.  ᐱᒻᒪᖃ ᒪᕐᕋᐅᔮᖅᑐᑦ ᓴᓇᐅᒐᐃᑦ ᐊᑭᑐᓗᐊᖅᑎᑕᐅᓂᕐᒪᑕ ᐅ}ᕙᓘᓐᓃᑦ ᑲᑎᑎᑦᑎᓂᖅ ᓴᓈᔅᓴᒥᒃ ᓄᑖᕐᒥᒃ ᐊᒻᒪᓗ ᐃᓕᖅᑯᓯᑐᖃᕐᒥᑦ ᓴᖅᑭᔮᖅᑎᑦᑎᓂᖅ ᐃᓕᓴᕐᓇᖏᓗᐊᕐᓂᕐᖓᑦ ᐃᓄᐃᑦ ᐃᓱᒪᖓᓐᓂ ᓇᒥᑐᐃᓐᓇᖅ. ᕼᒪᒃᑯᐊᖑᒐᓗᐊᖅᑎᓪᓗᒋᑦ, ᑮᓇᐅᔭᒃᑯ ᐊᔅᓱᕈᐃᓐᓇᓚᐅᒻᒪᑕ ᒪᑐᒐᓱᐊᕐᓂᖓᓂ 1977ᒥ.

ᖤᐅᕕᕐᕕᕋᓛᖅ +ᓱᕿ ᓚᖑᑎᖃᓱᑕᓕᐊ (ᖑᓗᓗᕿᑭᓯᒥᒃ ᐊᑎᓕᒃ, ᒪᓐᓇᒧᑦ ᑲᔪᖏᖅᓴᐃᖏᓐᓇᖅᑯᖅ ᑲᖏᖅᖠᓂᕐᒥᐅᓂᒃ ᓴᓇᓇᓱᖃᑦᑕᒃᑲᓂᖁᔨᓪᓗᓂ ᒪᕐᕋᐅᔮᖅᑐᓂᒃ 1990ᒥᓂᒃ, ᖃᑭᕙᓪᓕᐊᔪᓐᓇᑦᑎᐊᖅᕙᓗᑦᑐᓂᓗ.

ᕼᒪᓐᓇ ᕿᑐᑦᑐᒐᔭᓕᕆᓂᖅ ᐱᒋᐊᖅᓯᒪᕗᖅ ᐊᕐᓇᐃᑦ ᓴᓇᔭᕆᐊᖃᕐᓂᖏᑦ ᐊᓐᓄᕌᓂᒃ ᐊᓐᓇᐅᒪᔾᔪᑎᒃᓴᓂᒃ ᐊᒻᒪᓗ ᓱᕈᓰᑦ ᓴᓇᒋᐅᖅᓴᕙᓚᐅᕆᕗᑦ ᐃᓅᔭᓕᐅᖅᐸᑦᑐᑎᒃ.  ᓂᐅᕐᕈᑎᖃᕐᓂᓪᓕ, ᑭᓯᐊᓂ, ᐱᒋᐊᖅᓯᒪᕗᖅ 1960ᖏᓐᓂ, ᐅᑦᑐᑎᒋᓪᓗᒍ ᐸᓐᓂᖅᑑᒥ ᓄᕕᖅᓴᕆᐅᖅᓴᑎᑦᑎᓂᖅ ᐊᑐᖅᑕᐅᓚᐅᖅᑎᓪᓗᒍ, ᐊᓪ}ᓚᒃ ᓯᕗᓂᖓᒍᑦ, ᐊᓪᓛᒃ ᓯᕗᓂᖓᒍᑦ ᐊᓐᓄᕌᑦ ᓄᕕᖅᓴᒐᐃᓪᓗ ᖃᒪᓂᖅᑐᐊᒥ ᐱᒋᐊᓚᐅᖅᓯᒪᒋᕗᑦ.

ᖃᒪᓂᖅᑐᐊᕐᒥ ᓴᓇᑎᑦᑎᓂᖅ ᐱᒋᐊᓚᐅᖅᓯᒪᕗᖅ ᐊᔅᓱᕈᓪᓚᕿᓕᓚᐅᖅᑎᓪᓗᒋᑦ 1950ᖏᓐᓂ.  ᑐᒃᑐᐃᑦ ᐊᑐᐃᓐᓇᐅᒍᓐᓃᖅᓯᒪᔪᐊᓘᑎᓪᓗᒋ, ᓄᓇᒥᐅᑕᐃᑦ ᐃᓄᐃᑦ ᑭᕙᓪᓕᕐᒥ ᔭᒐᐃᓪᓚᑦᑖᕐᓂᑰᒻᒪᑕ ᓂᕿᓪᓗᐊᑕᕆᕙᑦᑕᒥᓐᓂᒃ ᐊᒻᒪᓗ ᐊᓐᓄᕌᔅᓴᖃᕈᑎᒋᕙᑦᑕᒥᓂᒃ.  ᖃᒪᓂᑦᑐᐊᕐᒥᐅᑕᐃᑦ ᐊᕐᓇᖏᑦ ᐊᑐᖃᑦᑕᕆᐊᓕᓚᐅᖅᐳᑦ ᖃᓪᓗᓈᖅᑕᓂᒃ ᐃᑲᔪᖅᑕᐅᕙᑦᑐᑎᒃ ᐃᓕᓴᐃᔨᓂᒃ ᐊᓯᖏᓐᓂᓪᓗ ᖃᓪᓗᓈᓄᑦ ᖃᒪᓂᕐᑐᐊᕐᒥ ᓄᓇᖃᖃᑕᐅᔪᓄᑦ.  ᑲᑎᑦᑎᓂᖅ ᖃᐅᔨᒪᔭᑐᖃᖏᓐᓂᒃ ᐊᒻᒪᓗ ᖃᓪᓗᓈᑦ ᐱᖅᑯᓯᖏᓐᓂᒃ ᓄᑖᓂᓪᓗ ᐊᒥᐊᔭᕆᑦᑐᓂᒃ ᐊᑐᖃᑦᑕᖅᑐᑎᒃ ᓴᓇᕙᓕᓚᐅᖅᐳᑦ ᐱᐅᔪᒻᒪᕆᓐᓂᑦ ᐊᕙᓗᒥᐅᑕᕐᓂᒃ.  ᑲᑎᑎᑦᑎᓂᖅ ᐱᖅᑯᓯᑐᖃᕐᓂᒃ ᐊᒻᒪᓗ ᓄᑖᓂᒃ ᐱᖅᑯᓯᕐᓂᒃ ᓴᖅᑮᓯᒪᕗᖅ ᑕᑯᒥᓇᑦᑎᐊᖅᑐᓂᒃ ᐱᔭᐅᔪᒪᒻᒪᕆᑦᑐᓂᒃ ᐃᓕᓴᕐᓇᑦᑎᐊᖅᑐᓂᒃ ᓴᓇᔭᐅᓯᒪᓂᖏᑦ ᓄᓇᕗᒻᒥ.

ᕋᒪᓂᑦᑐᐊᖅ ᓱᓕ ᒫᓐᓇᒧᑦ ᖃᐅᔨᒪᔭᐅᒻᒪᕆᑉᐳᖅ ᐊᓪᓚᒐᖏᓐᓄᑦ ᐊᕙᓗᒥᐅᑕᕐᓄᑦ, ᐊᒻᒪᓗ ᐸᓐᓂᖅᑑᒥ ᐅᖅᑯᒻᒥᐅᑦ ᑲᑐᔾᔨᖃᑎᒋᖏᑦ ᓴᖅᑮᕙᒃᑭᕗᑦ ᐊᔾᔨᒌᖏᑦᑐᒻᒪᕆᓐᓂᒃ ᓄᕕᖅᓴᕐᓂᒃ ᐊᕐᕌᖑᑕᒫᑦ, ᐊᒻᒪᓗ ᑕᓗᕐᔪᐊᖅ ᖃᐅᔨᒪᔭᐅᒪᕆᓕᕐᓂᑰᒋᕗᖅ ᐊᒫᙳᐊᖅᑐᓕᐊᖑᕙᑦᑐᓄᑦ, ᐆᒪᔪᙳᐊᑦ ᖁᓕᑦᑕᐅᔭᔅᓴᒥᒃ ᓴᓇᓯᒪᔪᑦ ᐊᓪᓚᖃᖅᑐᑎᒃ ᐊᓐᓄ}ᕋᖏᒍᑦ ᓴᓇᔭᐅᕙᑦᑐᑦᑕᐅᖅ ᓄᓇᕗᒻᒥ ᓄᓇᓕᓐᓂ.

  1. ᑎᑎᖅᑐᒐᐃᑦ
  2. ᓴᓇᙳᐊᒐᐃᑦ
  3. ᓴᓇᐅᒐᐃᑦ ᓄᓇᕗᒻᒥ